उच्च शिक्षा अध्ययनका लागि अस्ट्रेलिया जान चाहने नेपाली विद्यार्थीको गलत ऋणको कागजात बनाएको भन्दै नयाँ दिल्ली स्थित अस्ट्रेलियाली दूतावासले करिब २ हजार नेपाली विद्यार्थीको प्रवेशाज्ञा आवेदन प्रक्रिया स्थगित गरेको छ ।
नयाँ दिल्लीस्थित दूतावासले अस्ट्रेलियन विश्वविद्यालयलाई पत्र काटेर ती विश्वविद्यालयमा अध्ययन गर्ने विद्यार्थीको पक्रिया रद्ध गर्न समेत पत्राचार गरेको छ । अस्ट्रेलिया जान लालायित विद्यार्थीले करिब १ लाख रुपैयाँ खर्च गरेर भिसा प्रक्रिया शुरु गरेका थिए ।नेपालमा रहेका बैंकले स्ट्यान्डर्ड पूरा नगरी मनपरी रुपमा ऋणको कागजात बनाएको जनाउँदै अस्ट्रेलियन दूतावासले भिसा प्रक्रिया रद्ध गर्ने तयारी गरेको छ । दूतावासको तथ्यांकअनुसार करिब २ हजार विद्यार्थीको प्रक्रियाको विषयमा अध्ययन भइरहेको छ ।
बैंकको विषयमा शंका बढेपछि दूतावासले तत्कालका लागि सबै विद्यार्थीको भिसा प्रक्रिया स्थगित गरेको हो । दूतावासले नविल, एसबीआईलगायत बैंकबाट मात्र कागजात तयार गर्न आग्रह गरेको छ ।
0 comments :
Post a Comment