शुक्रवार धेरै नेपाली फिल्म रिलिज हुने दिन हो तर यसपालीको सातामा भने एक नेपाली फिल्म र एक हलिउड फिल्म मात्र रिलिज हुन लागेका छन् । हलिउडको बहुप्रतिक्षित फिल्म ‘फास्ट एण्ड फ्युरीयस-७’ र नेपाली फिल्म तनाव । ‘फास्ट एण्ड फ्युरीयस-७’ फास्ट एण्ड फ्युरियसको सातौं सिक्वेल हो । एक्सनले भरिपुर्ण भएको फिल्मलाई जेम्स वानले निर्देशन गरेका हुन । फिल्ममा भिन डिजेल, पाउल वाकर, डाउने जोन्सन, मिसेल रेड्रिग्युज, जोर्डना ब्रेस्टर, जेसन स्थाथमको लगाएतका कलाकारहरुको अभिनय रहेको छ ।
१ सय ३४ मिनेटको फिल्म पाउल वाकरको अन्तिम फिल्म हो । नोभेम्बर ३०, २०१३ मा उनको कार दुर्घटनामा मृत्यु भएको थियो । फिल्म थ्रिडिमा पनि रिलिज हुदैछ । फिल्मको कथा आफना भाइको मृत्यु को बदलाको भावनको वरिपरि घुमेको छ । कसरी जेसन स्थाथमले आफना भाइको मृत्युको बदला लिन्छ भन्ने कुरा फिल्ममा देखाइएको छ ।
यसैगरी हलिउड फिल्म सँगै लभस्टोरी एक्सन र रोमान्सको मिक्स भएको फिल्म तनाव पनि भोली नै रिलिज हुदैछ । फिल्मलाई ऋषि न्यौपानेले निर्देशन गरेका हुन । फिल्ममा निर्मल सेन्चुरी, रागिनी खड्की, र एनी कुवंरको मुख्य भुमिका रहेको छ । फिल्म केवल सिंगल स्क्रिनहरुमा मात्र रिलिज हुनेछन् ।
0 comments :
Post a Comment