पोखरा, ३० साउन
नेवा मिसा पुच कास्कीको प्रथम अधिबेशन शान्ती उदासको अध्यक्षतामा नया कार्यसमिती चयन गर्दै पोखरामा शनिबार सम्पन्न भएको छ । अधिबेशनले सांस्कृतिक उपाध्यक्षमा बकावली शाक्य रञ्जित रानीपौवा, सांगठनिक उपाध्यक्षमा मेनुका श्रेष्ठ लेखनाथ, महासचिब संगीता बज्राचार्य महेन्द्रपुल, उपमहासचिब शक्ति प्रधानाङ्ग भैरबटोल र कोषाध्यक्षमा कल्याणी श्रेष्ठ बैदामलाई चयन गरेको छ । अधिबेशनले सदस्यहरुमा किरण बिजुक्छे मोहोरियाटोल, मनलक्ष्मी श्रेष्ठ बगर, सबिता बिजुक्छे सिमलचौर, रेविका श्रेष्ठ पृथ्बीचोक, देबिका श्रेष्ठ बगालेटोल, समिता रञ्जित रामबजार, रेश्मा श्रेष्ठ कुँडहर, सोनी ढेवाजु गौँडाको मुख र सरस्वती श्रेष्ठ पस्र्याङ्ग लाई चयन गरेको छ । यसैगरि आमन्त्रित सदस्यहरुमा नीरा श्रेष्ठ, आरती श्रेष्ठ लामाचौर र लिला गोशली चिप्लेढुङ्गा लाई चयन गरेको छ ।
यसअघि बोल्दै कार्यक्रमका प्रमुख अतिथी नेवा खलः कास्कीका अध्यक्ष अशोक पालिखेले नेवा खलः कास्की सम्पुर्ण नेवार समुदायको साझा घर भएको स्मरण गर्दै यस संस्थामा जुनसुकै बिचारधाराका ब्यक्ति अटाउन सक्ने तर संस्थाले कुनै पनि नाममा राजनीति नगर्ने बताए । उनले संस्था जुन लक्ष्यका साथ स्थापना भएको हो त्यहि लक्ष्य अनुरुप बिगत बाट अगाडी बढिरहेको र भविष्यमा पनि नेवारी भाषा, संस्कृति र संस्कारलाई जिवन्तता प्रदान गर्न लागिरहने बताए ।
धर्मको नाममा राजनीति हुनुहुँदैन भन्दै उनले अहिले जसले जे धर्म मानेका छन् त्यो मान्न पाउनुपर्ने तर कसैले जोरजबरजस्ती यहि हुनुपर्छ भन्न नपाईने बताउँदै भने,–‘हामी नेवारी एकता, नेवारी संस्कृति र नेवा छेँमा धर्म र राजनीति गर्दैनौं, तपाईंहरुले पनि नगर्नुहोला । नेवाः खल कास्कीका उपाध्यक्ष तीर्थ श्रेष्ठले नेवार जाती आर्थिक, सामाजिक र राजनीतिक सबै हिसाबबाट सबल रहेको दाबी गर्दै जसरी हामीले अहिले हाम्रो एकतालाई हाम्रो संस्कृति मार्फत प्रदर्शन गरेका छौ त्यो सदैब कायम हुनुपर्ने बताए । उनले नेवारी संस्कारमा प्रचलन रहेको भोज खर्चिलो हुँदै गएकाले खर्चलाई न्युनिकरण गर्दै प्रचलन र देखासिकी भन्दा पनि परम्परागत संस्कारलाई जोडदिन पर्ने बताए । नेवा मिसा पुच कास्कीका अध्यक्ष शान्ती उदासले एक बर्षको अवधि पुचले नेवारी संस्कृति संबद्र्धन तथा संगठन बिस्तारका बारे बताउदै धेरै उल्लेख्य कामहरु भएको र यसको निरन्तरतामा लागिरहने प्रतिबद्धता ब्यक्त गरे । कार्यक्रममा नेवा मिसा पुच कास्कीका महासचिब संगीता बज्राचार्यले बार्षिक प्रतिबेदन, कोषाध्यक्ष कल्याणी श्रेष्ठले आर्थिक प्रतिबेदन प्रस्तुत गरेका थिए । एक बर्ष अगाडी गठन भएको नेवा मिसा पुचले यो अवधिमा पोखरा र आसपासमा २९ वटा शाखा बिस्तार गरिसकेको छ ।
यसैबिच नेवार पत्रकारहरुको शनिवार पोखरामा भएको भेलाले पोखरा एफका स्टेशन इन्चार्ज सञ्जय मल्लको संयोजकत्वमा नेवाः पत्रकार पुचः गठन गरेको छ । नेवा खलः कास्कीका अध्यक्ष अशोक पालिखेको प्रमुख आतिथ्यतामा भएको भेलाले समितिको सचिवमा रेडियो अन्नपुर्णका सन्देश श्रेष्ठ र सदस्यहरुमा दीपक मुल्मी, ठिकठाक डटकमका सुरज श्रेष्ठ, पोखरा एफएमका सुरज श्रेष्ठ, रामभक्त जोजिजु र रेडियोका जनजीका अंशु शाक्यलाई चयन गरेको छ । समितिलाई पोखरामा रहेका सम्पूर्ण पत्रकार समेटेर चाँडै अधिवेशन गर्ने जिम्मेवारी दिईएको छ ।
About Unknown
0 comments :
Post a Comment