गौरमा मोर्चा कार्यकर्ताले नगरपालिकाको दमकल तोडफोड प्रयास गरेपछि प्रहरीले हस्तक्षेप गरेको थियो । मोर्चाका कार्यकर्ताले सडकमा टायर बालेर प्रहरीमाथि ढुंगा मुडा प्रहार गरेपछि प्रहरीले स्थितिलाई नियन्त्रणमा लिन चार राउण्ड हवाइ फायर र आठ राउण्ड अश्रुग्यास प्रहार गरेको छ । गाैरस्थित वीपी चोक तनावग्रस्त बन्यो ।
संयुक्त लोकतान्त्रिक मधेसी मोर्चाले शनिबारदेखि आन्दोलनलाई कडा बनाउन निर्णय गरेसँगै मोर्चाका कार्यकर्ता विहानैदेखि सडकमा निस्केका हुन्।
वीरगन्जको घण्टाघर चोकमा मोर्चा कार्यकर्ताले बन्दको अवज्ञा गरेर चलाएको भन्दै मोटरसाइकल तोडफोड थालेपछि प्रहरीले हस्तक्षेप गरेको थियो । प्रहरी र मोर्चा कार्यकर्ताको झडपले केही दिनयता शान्त सहर फेरि तनावग्रस्त बनेको छ । प्रहरीले १ राउण्ड अश्रृ ग्यास प्रहार गरेको छ । झडपमा प्रहरी निरीक्षक शेख अदालत सहित केही प्रहरी र मोर्चाका कार्यकर्तालाई चोटपटक लागेको छ । २ जना मोर्चा कार्यकर्तालाई प्रहरीले नियन्त्रणमा लिएको छ ।
तस्विरः राैतहटमा तोडफोड गरिएको दमकल।
About Unknown
0 comments :
Post a Comment