मेसीले बोस्निया हर्जगोभिना र इरानविरुद्ध १/१ नाइजेरियाविरुद्ध २ गोल गरेका थिए । हरेक खेलमा उनले गरेको प्रदर्शनले टीमको बनोबल बढाएको थियो ।उत्कृष्ट गोलकिपरलाई दिइने गोल्डेन ग्लोबको पुरस्कार जर्मनीका म्यानुयल नेयुरले जिते । बायर्न म्युनिखका गोलकिपर नेयुरले ७ खेलमा ४ गोल मात्र खाए । बेलाबखत डिफेण्डरले गर्ने भुमिका पनि निभाएका २८ वर्षीय नेयुरले धेरैको मन जिते ।
विश्वकपमा उत्कृष्ट युवा खेलाडीको अवार्ड भने फ्रान्सका २१ बर्षीय मिडफिल्डर पाउल पोग्वाले पाएका छन् । टीमलाई क्वाटरफाइनलसम्म पुर्याउन महत्वपूर्ण भुमिका खेलेका पोग्वाले रिक्वाटरफाइनलमा नाजेरियाविरुद्ध गोलको खडेरी तोड्दै फ्रान्सलाई जीततर्फ धकेलेका थिए । फ्रान्सले खेलेका सबै खेलमा प्रभाव जमाएका पोग्वाले स्वीट्जरल्याण्डविरुद्ध एसिष्ट गरेका थिए ।
सर्वाधिक गोल गरेका २२ बर्षीय कोलम्बियन स्टार जेम्स रेड्रिग्वेजले गोल्डेन बुट हात पारेका छन् । उनले हरेक खेलमा गोल गर्ने क्रममा ६ गोल गरेका थिए भने २ गोलमा सहयोगीको भुमिका निभाए । उनले जापान, आइभरी कोष्ट, ग्रीस, उरुग्वे र ब्राजिलविरुद्ध गोल गरेका थिए ।
जेम्स रेड्रिग्वेजको टीम कोलम्बियाले ‘फेयर प्ले’को अवार्ड हात पारेको छ । ५ खेल खेल्ने क्रममा कोलम्बियाले ५ वटा मात्र पहेलो कार्ड बेहोेरेको थियो ।
जर्मनीमा थोमस मुलरले सिल्भर र नेदरल्याण्ड्सका आर्जेन रोबेनले ब्रोन्ज बल प्राप्त गरे । त्यस्तै, ५ गोल र ३ असिष्ट गरेका मुलरले नै सिल्भर बुट प्राप्त गर्दा आयोजक टोली ब्राजिलका नेयमारले ४ गोल र १ एसिष्ट गर्दै ब्रोन्ज बुट हात पारे ।
0 comments :
Post a Comment