जर्मनीका लागि उसका भरपर्दा खेलाडी मुलरले गोल पोष्टको नजिकैबाट यस्तो शान्दार प्रहार गरे कि त्यसलाई ब्राजिलियन किपरले रोक्नै सकेनन् । एउटा गोल खाएर दबाबमा परेको ब्राजिलले २३ औं मिनेटमा फेरि अर्को गोल पनि खायो । त्यसपछि भने उसको मनोबल यति गिर्यो कि २३ देखि २९ मिनेटको सिर्फ ६ मिनेट भित्र मात्रै उसले चार गोल खायो । मध्यान्तर अगाडि ५–० गोलले पछि परेको ब्राजिल मध्यान्तरपछि थप दुई गोल खाएर ७–१ को इतिहासकै लज्जास्पद हार स्वीकार्दै जारी विश्वकपबाट बाहिरियो । ब्राजिलका लागि ९० औं मिनेटमा ओस्करले सान्त्वना गोल गरे पनि त्यसले ब्राजिलको हारमा चलेको समर्थकहरुको रुवाइलाई रोक्न सकेन ।
इतिहास र कीर्तिमान पनि खोसियो :
आफ्नै गृह मैदानमा यसरी हार स्वीकारेको ब्राजिलका लागि यो ३९ वर्षपछिको अर्को तीतो अनुभव थियो । यसभन्दा अगाडि उसले ३९ वर्ष अगाडि सन् १९७५ मा पाराग्वेसँग यसरी नै गृह मैदानमा हार भोगेको थियो ।
विश्वकपमा पाँच पटक विजेता बनेको ब्राजिलले एउटै म्याचमा पाँच गोल खाएको ७६ वर्ष पछि हो । यसभन्दा अघि सन् १९३८ को विश्वकपको पहिलो चरणमै ब्राजिलले पोल्याण्डको पाँच गोल खाएको थियो । तर पनि उक्त खेल ब्राजिलले नै ६–५ गोलले जितेको थियो ।
जारी प्रतियोगीताको सेमिफाइनलसम्ममा जर्मनीका मिरास्लोभ क्लोजले विश्वकपमा आफ्नो गोल संख्या १६ पुर्याएका छन् । योसँगै ब्राजिलका क्रिस्टियानो रोनाल्डोको १५ गोलको कीर्तिमान पनि उनले खोसेका छन् ।
ब्राजिल हार्नुका कारणहरु :
स्थानीयको विरोध : मान्नुस् नमान्नुस्,जब घरभित्र नै अशान्ति हुन्छ भने जति राम्रो गर्न खोजे पनि अलच्छिनले छोड्दैन रे । यही धार्मिक अन्धविश्वास ब्राजिलको यो हारमा पनि लागू भएको छ । किनभने ब्राजिलमा विश्वकप आयोजनाको विषयमा स्थानीयहरुमा तीव्र असन्तुष्टि र विरोध जारी नै छ । कतिले त यो विश्वकप नै विथोल्नेसम्मका प्रयास गरेका थिए । तर बलियो सुरक्षा व्यवस्थापछि हच्किएका ती विरोधीहरुले ब्राजिलको हारका लागि कामना गरेका थिए । त्यसको केही मनोवैज्ञानिक असर केही खेलाडीहरुमा पनि नपरेको भन्न सकिन्न ।
यसका अलावा जर्मन खेलाडीहरुका तीख्खर प्रस्तुति,चुस्त प्रदर्शन र सन्तुलित टिम संयोजनका कारण पनि यसपटक आयोजक ब्राजिल जर्मनका अगाडि निरीह सावित भयो ।
0 comments :
Post a Comment