काठमाडौंको दशरथ रंगशालामा हुने दोस्रो लिगको खेलमा नेपाली खेलाडीहरुले भारतमा भोगेको पहिलो लिगको हारको बदला लिने प्रयास गर्नेछन् ।
आज काठमाडौंमा उक्त नतिजा उल्टाउदै भारतलाई स्तब्ध बनाएर घर फर्काउने नेपालको दाउ छ ।
यसको लागि नेपाली टोली पुर्ण रुपले तयार र सक्षम रहेको मुख्य प्रशिक्षक ज्याक स्टेफानोस्की र कप्तान सागर थापाले बताएका छन् ।
नेपालले विश्वकप छनोट तथा सन् २०१९ को एसिया कप छनौटको दोस्रो चरण प्रवेश गर्नका लागि दोस्रो लेगमा आज भारतलाई कम्तीमा तीन गोलको अन्तरले पराजित गर्नुपर्ने हुन्छ ।
यता, १४ वर्षअघि नेपालको प्रशिक्षण सम्हालिसकेका भारतीय प्रशिक्षक स्टेफेन कन्स्टेन्टाइनले आफ्नो टोली नेपाललाई सजिलै जितेर दोस्रो चरणमा जानेमा ढुक्क नभएको बताएका छन् ।
सन् १९९९ को आठौं दक्षिण एसियाली खेलकुद सागमा नेपाललाई रजत पदक जिताएका स्टेफेनले नेपाली खेलाडीहरु अन्तिम समयसम्म पनि परीणाम उल्टाउन सक्षम रहेकोले यो खेललाई आफुले सहज रुपमा नलिएको प्रतिक्रिया दिए ।
यसैगरी भारतीय टिमका कप्तान सुब्रतो पालले पनि आफुहरु भारतमा हात पारेको २-० को जीत बिर्सीएर आज नयाँ खेलको लागि तयार भएको बताएका छन् ।
About Unknown
0 comments :
Post a Comment