एनआरएन अमेरिकाको निर्वाचन आगामी अप्रिल १६ देखि २० तारिख सम्म हुने गरी निर्वाचन समितिले तालिका सार्वजनिक गरेको छ । राष्ट्रिय समन्वय समितिको लागि १९ जना र अन्र्तराष्ट्रिय समन्वय समितिको लागि ५ जना गरी कूल २४ पदको लागि निर्वाचन हुने छ । घोषित कार्यालय तालिका अनुसार मार्च ९ तारिखवाट प्रक्रिया शुरु भएर अप्रिल २६ तारिखमा मत गणना सम्पन्न गर्ने निर्वाचन समितिका संयोजक विनोद रोक्काले जारी गरेका कार्यतालिकामा उल्लेख गरिएको छ । साथै समितिमा सदस्यहरु गोपाल श्रेष्ठ, माधवी कार्की, कन्हैया कायस्थ र रोबिन थापा रहेका छन् ।
कहिले के ?
-मार्च ९ मा मतदाताहरुको प्रारम्भिक सुची
-मार्च ११ को बेलुकी ५ बजेभित्र मतदाताको नाम उपर दावी विरोध
- मार्च १५ मा मतदाताको अन्तिम सुची प्रकाशित
-मार्च १६ देखि २३ सम्म उम्मेदवारी दर्ता मार्च २३ को मध्यरातसम्म अनलाइनमार्फत उम्मेदवारी दर्ता गराउन सक्ने ्
-मार्च २६ उम्मेदवारहरुको पहिलो सुची प्रकाशित गरिने
- मार्च २७ देखि २९ सम्म दावी , विरोध र उम्मेदवारी फिर्ता
-मार्च ३१ मा उम्मेदवारको अन्तिम सुची प्रकाशित गरिने
-अप्रिल १ देखि १५ सम्म चुनावी प्रचार प्रसार
- अप्रिल १६ देखि २० सम्म अनलाइन र कागजी मतपत्रमार्फत मतदान ।
-अप्रिल २५ र २६ मा मतगणनापछि मत परिणाम घोषणा गर्ने आयोगले जनाएको छ ।
कति शुल्क ?
निर्वाचन समिकिो विज्ञप्ति अनुसार अध्यक्ष पदमा उम्मेदवारी दिन चाहनेले एकहजार, बरिष्ठ उपाध्यक्ष ८ सय , उपाध्यक्ष पदमा उम्मेदवारीका लागि ७ सय अमेरिकी डलर शुल्क बुझाउनुपर्नेछ । यसै गरी महासचिव ७ सय, सहसचिव र कोषाध्यक्ष पदका लागि ६ सय ,कोषाध्यक्ष, प्रवक्ता , मिडिया कोअर्डिनेटर, युवा कोअर्डिनेटर र महिला कोअर्डिनेटरमा उम्मेदवारीका लागि ५ सय अमेरिकी डलर शुल्क तोकिएको छ । ७ जना बोर्ड सदस्यका लागि ४ सय डलर शुल्क तोकिएको छ । पाँचजना निर्वाचित हुने एनआरएन आईसीसीको सदस्यमा उम्मेदवारीका लागि पनि १ हजार अमेरिकी डलर शुल्क तोकिएको छ ।
विधान अनुसार धेरै सदस्य भएकाहरु अल्वानिया,क्यालिफोर्निया, कोलोराडो, कनेक्टिकट, फ्लोरिडा, जर्जिया, ईलिनोयस, मेरिल्याण्ड, म्यासाचुसेट्स, मिसिगन, न्यू ह्याम्सायर, न्यू जर्सी, न्यू मेक्सिको, न्यूयोर्क, नर्थ क्यारोलिना, ओरेगन, पेन्सिलभेनिया, टेनिसी, टेक्सास, भर्जिनिया र वासिंङ्गटन लगायतका २१ राज्यमा ईकाईको लागि समेत चुनाव हुने भएको छ । तीराज्यहरुमा १५ सदस्यीय समिति को प्रावधान गरिएको छ । जसअनुसार ईकाईको संरचना अनुसार अध्यक्ष,उपाध्यक्ष,सचिव,कोषाध्यक्ष एक एक जना र ११ सदस्यीय सदस्य भएको समिति गठन हुने छ । यसमा पनि उमेदवारीका लागि क्रमशः ५ ००, ४०० , ३५० र ३ सय शुल्क तोकिएको छ । ११ जना डाइरेक्टरहरु का लागि २ सय डलर शुल्क तोकिएको छ । निर्वाचनको कार्यतालिका सँगै आगामी मार्चको २१ र २२ मा हुने अधिवेशनको नयाँ विधान अनुसार निर्वाचन नहुने भएको छ ।
Source : Globe Nepal
0 comments :
Post a Comment