काठमाडौं, चैत्र १८ । युरोकप फुटबल छनोट प्रतियोगिताको अभ्यास स्वरुप गएराती खेलिएको एक मैत्रिपुर्ण फुटबल खेलमा ईटाली र इङ्गल्याण्डले बराबरी खेलेका छन् ।
विश्व फुटबलका दुई बलिया राष्ट्रहरुविचको इटालीको टुरीनमा भएको खेल एक–एक गोलको बराबरीमा सकिएको हो । खेलको २९ औं मिनेटमा साउथह्याम्पटनका स्ट्राईकर ग्राजियानो पेलेले एक गोल गर्दै ईटालीलाई अग्रता दिए ।तर दोस्रो हाफमा टोटनह्यामह हट्सपरका खेलाडी एन्ड्रोस टाउनसेन्डले एक गोल फर्काउदै इङ्गल्याण्डको हार टारेका हुन् ।
यो खेलसँगै ईटाली विश्वकप पछिका हरेक खेलमा अपराजित रहँदा इङ्गल्याण्डले पनि अपराजित खेल संख्या ९ पुर्याएको छ ।
गएराती भएका अन्य मैत्रिपुर्ण खेलहरुमा नेदरल्याण्ड्सले स्पेनलाई २-० ले पराजित गर्दा स्विडेनले इरानलाई ३-१ ले हराएको छ । उता कमजोर मानिएको केप भर्डे आइल्याण्डले पोर्चुगललाई २-० ले हराएको छ ।
0 comments :
Post a Comment