दुबई, शान्ति र शिक्षाको लागि सन्देश लिएर सांगीतिक यात्रामा निस्कने लोकप्रिय नेपाली ब्याण्ड नेपथ्य विभिन्न देशको यात्रासँगै दुबईमा पनि सांगीतिक कार्यक्रमको लागि आउने भएको छ । आगामी मे २१ तारिखका दिन हुने कार्यक्रममा नेपथ्य दुबई आउन लागेको हो ।नेपथ्यले यसअघि भारत, अष्ट्रेलिया, बेलायतलगायतका देशमा सांगीतिक कार्यक्रम प्रस्तुत गरिसकेको छ । दुई नेपाली युवा जस पाइजा र राजन अधिकारीको प्रयासमा युएइमा ब्याण्ड आउने चाजोपाजो मिलेको हो ।
नेपथ्य लाइव कन्सर्ट नामकरण गरिएको सांगीतिक कार्यक्रम करामाको अल नासर लेजरल्याण्ड क्लबमा हुने भएको छ । ३ हजार बढी दर्शक क्षमता भएको क्लबलाई तताउन नेपालबाट ब्याण्डका प्रमुख अमृत गुरुङको संयोजनमा ९ सदस्यहरु टोली आउने आयोजक राजन अधिकारीले बताए ।
लोकरकको क्षेत्रमा नया ट्रेण्ड सेट गर्दै नेपथ्य सामाजिक सेवामा समेत अग्रसर रहदै आएको छ । विश्व चर्चित सांगीतिक मञ्च वेम्बलीमा सांगीतिक प्रस्तुति समेत नेपथ्यले दिएको थियो ।
ब्याण्डले हालसम्म नेपथ्य, हिमाल चुचुरे, मीन पचासमा, रेशम, भेडाको ऊनजस्तो, घटना, मेरो देश, ऐनाझ्याल लगाएतका एल्बम ल्याइसकेको छ । सङ्गीतयात्राबाट उठेको रकम युद्ध प्रभावित क्षेत्रका विद्यालयको पूर्वाधार विकासमा सहयोग गरेको यो समूहले माओवादी ‘जनयुद्ध’ का बेला नेपालीले भोग्नुपरेको पीडालाई घटना एल्बममार्फत् सांगीतिक आकार दिएको छ ।
घटनाको ‘डकुमेन्ट्री’ समेत बनाएर नेपालीको युद्ध भोगाइलाई देशविदेशसम्म पुर्याएको थियो ।
0 comments :
Post a Comment