एपोलो इन्टरनेशनल कलेज वानेश्वरमा बिबिएस अध्यनरत २२ बर्षीय सन्दिप पोखरलले ‘मिस्टर नेपाल २०१५’ उपाधि जितेका छन् । गोर्खाका पोखरेलले ४० प्रतियोगी युवालाई पछि पार्दै १३ आंै मिस्टर नेपाल बनेका हुन् । प्रतियोगीतामा पोखरेलले मिस्टर ह्याण्डसम, बेष्ट पर्सनालिटी र बेष्ट फिजिक्सका समेत अवार्ड हात पारे । ‘यदी तपाई छोरीको बाबु भएको खण्डमा निर्वाह गर्ने प्रमुख तीन कुरा के के हुन्’ ? निर्णायकले अन्तिम राउण्डमा पोखरेललाई प्रश्न गरेका थिए । यही प्रश्नको उत्कृष्ट जवाफ दिदै पोखरेल उपाधि बिजेता बनेका हुन् । पोखरेललाई गत बर्षका बिजेता सुरज चिलुवालले मिस्टर नेपालको ताज पहिर्याए । बिजेता पोखरेलले उपाधिका साथमा नगद रु.एक लाख रुपैया, चलचित्र बिन्दास ३ मा अभिनय गर्ने अवसर र अन्य बिभिन्न उपहार प्राप्त गरे । बिजेता घोषित भएपछि पोखरेलले आफुलाई नेपाली चलचित्र क्षेत्र मन पर्ने भएकोले सफल अभिनेता बन्ने आफ्नो लक्ष्य रहेको बताएका थिए । 
त्रिभुवन आर्मी अफिसर्स क्लबमा शनिबार अबेर सा“झ सम्पन्न प्रतियोगीतामा प्रतिक लालवानी फष्ट रनर अप र मिलन श्रेष्ठ सेकेण्ड रनर अप घोषित भए । लालबानीले ह्याण्डसम ,पर्सनालिटी सहित भियुर्स च्वाईस अवार्ड समेत जित्दा श्रेष्ठले भने फ्रेड्ली अवार्डमा चित बुझाए । दुबैले उपाधिका साथमा बिभिन्न उपहार समेत प्राप्त गरे । युवाहरुको प्रतिभालाई प्रोत्साहित गर्नुका साथै समाजमा जिम्मेवार नागरिक बनाउने उदेश्यले आयोजक एक्सपोज नेपालले सहभागी युवाहरुलाई व्यक्तित्व विकास, आत्मविश्वास अभिवृद्धी, Ôमता उजागर लगायतका प्रशिक्षण सहित स्पर्धामा उतारेको थियो ।
दर्जन बढी उप–शिर्षकमा बिजेता घोषित गरिएको कार्यक्रममा प्रतियोगीतामा सुजित आचार्य फोटोजेनिक, अजुरी दिमखान र शनी शाह फिजिक्स, अरुण केसी र प्रहिल कार्की मेक ओभर, गोपाल गजमेर र वर्कास राई बेस्ट चर्मिङ, राजेन्द्र रवाल बेष्ट ड्रेस, युमा लिब्बु बेष्ट स्क्रिन, दोस्त हरन लिब्बु बेस्ट मल्टिीमिडिया, बिजय केसी बेष्ट क्याटवाक, निरन अवाल र पवन गुरुङ बेस्ट स्पोर्ट घोषित भए ।
चलचित्र निर्देशक उद्धव अबिजित, राजु गिरी, मिस्टर नेपाल २०१४ का सुरज चिलुवाल, मिसेस राजधानी अनुकाली राणा लगायत निणर्यक रहेको प्रतियोगीताको कोरीयोग्राफी चा“दनी लामिछानेले गरेकी थिइन् । मिस्टर नेपाल आफुले दशक अगाडी देखि नियमित आयोजना गर्दै आएको जानकारी दिदै आयोजक संस्था एक्सपोज नेपालका अध्यक्ष दिनेश शाहीले आगामी बर्ष पनि यसलाई झन् आकर्षक तवरले निरन्तरता दिने बताए ।
0 comments :
Post a Comment