काठमाडौं/ मंगलबार राति आँधीहुरीसँगै भूकम्पको धक्का महसुस भएको छ । राति १० बजेर ५२ मिनेटमा ५ म्याग्निच्यूटको भूकम्प गएको हो ।
रसुवा केन्द्रबिन्दु बनाएर भएको भूकम्पको धक्का रसुवा, नुवाकोट, काठमाडौं उपत्यका, धादिङ, काभ्रे र सिन्धुपाल्चोकसहितका जिल्लामा महसुस भएको राष्ट्रिय भूकम्प मापन केन्द्रले जनाएको छ ।
यसअघि राति १० बजे ललितपुर र काभ्रे जिल्लाको सिमाना केन्द्रबिन्दू भएको भूकम्प गएको थियो उपत्यकाभित्रै केन्द्रबिन्दु भएको ४.३ म्याग्निच्यूटको भूकम्प गएको राष्ट्रिय भूकम्प मापन केन्द्रले जनाएको छ ।
त्यसअघि साँझ ६ बजेर ३९ मिनेटमा दोलखा केन्द्रबिन्दु भएको ४.१ म्याग्निच्यूटको भूकम्पको धक्का महसुस भयो ।
मंगलबारै साँझ ५ बजेर ४८ मिनेटमा दोलखा नै केन्द्रबिन्दु भएको ४.३ म्याग्निच्यूटको र दिउँसो २ बजेर ११ मिनेटमा ४.३ म्याग्निच्युटको भूकम्पको धक्का महुसस भएको हो ।
0 comments :
Post a Comment