ओखलढुंगा : शुक्रबार राष्ट्रपति डा.रामवरण यादव आफ्नो जिल्ला आउने भएपछि निकै उत्साहका साथ ओखलढुंगाका राजनैतिक दलका नेताहरु जिल्ला विकास समितिको सभाहल पुुगे । भुकम्पबाट संकटग्रस्त जिल्ला ओखलढुंगा अनुगमनमा आएका राष्ट्रपति डा. यादवलाई जिल्लाको बारेमा २ बजे ‘ब्रिफिङ’ सुरु भयो ।
राष्ट्रपति यादवलाई नेपाली सेनाले जिल्लाको अवस्था बारे ‘ब्रिफिङ’ गरे । देशको प्रमुुखलाई जिल्लाको समस्या सुनाउन पाउँदा दलहरु खुसी थिए । राजनैतिक दलका प्रतिनिधिहरुले जिल्लाको समस्या सुुनाए । त्यसपछि वनमन्त्री महेश आचार्यले सरकारका तर्फबाट बोले ।
वनमन्त्रीको भाषणपछि एमाले केन्द्रिय सदस्य तथा सभासद् यज्ञराज सुनुवारले एक मिनेट समय मागे । तर, राष्ट्रपति डा.यादवले सुनुवारको अनुरोधलाई तत्कालै अस्वीकार गरे । यादवले भने, ‘पार्टीको नेताहरुबाट कुरा सुनिसकेकोले तपाईको कुरा सुन्नु छैन ।’ त्यसपछि शुरु भयो, सभासद् सुनुवार र राष्ट्रपतिको जुहारी । जवाफ सुनुवार भने, ‘तपाई आउँदा पनि छापामार शैलीमा आउनुभयो । अहिले एउटा कुरा राख्छु भन्दा पनि सुन्न नमान्ने ?’ सुनुवार जिल्लाबाट प्रत्यक्ष निर्वाचित सभासद् हुन् ।
निकैबेर विवाद भएपछि अन्ततः राष्ट्रपति यादवले बोले । बोल्ने क्रममा समेत आफू राष्ट्रपति भएको सातवर्ष बित्दा पनि कसैले मुख नलागेको भन्दै पहिलो पटक आफूलाई भएको ‘यस्तो व्यवहार’ले दुःख लागेको बताए । भने, ‘राष्ट्रपति भएको सातवर्ष बित्दा पनि कसैले मुख लागेको थिएन पहिलो पटक यस्तो व्यवहारले दुःख लाग्यो ।’ जिल्लामा जनताको दु:खेसो सुन्न आएका ले उल्टै दु:खेसो सुनाए ।
सभासद् सुनुवारले आफुले गम्भीर विषयमा कुरा राख्न खोजेपनि राष्ट्रपति डा.रामवरण यादव निरंकुश शैलीमा उत्रिएपछि जवाफ फर्काएको बताए । ‘राजाको शैलीमा उत्रिएपछि जवाफ फर्काएको हो’ सुनुवारले भने ।जिल्लामा राष्ट्रपति आउने जस्तो कार्यक्रम बारेमा केही खास पार्टी र खास व्यक्तिलाई बाहेक अरुलाई जानकारी दिइएन ।
जिल्लामा गएर समस्या सुन्ने कार्यक्रम राखेपछि सभासद्ले एकमिनेट बोल्छु भन्दा पनि सिधै तपाईको कुरा सुन्दिन भन्नु निरकुश शैली भएको सभासद् सुनुवारको भनाई छ । प्रतिक्रिया दिदै सभासद् सुनुवारले भने, ‘राष्ट्रपतिले पार्टीका नेताको मात्रै कुरा सुन्ने हो भने केन्द्रमै बसेर केन्द्रकै नेताको कुरा सुने भै गो नि ! किन जिल्ला घुमेर राज्यको ढुकुटीको खर्च गर्ने ?’ सुनुवार जिल्लाको निर्वाचित प्रतिनिधि भएको कारण उनले पनि समस्या राख्न पाउनुपर्नेमा अन्य दलहरु पनि सहमत थिए ।
पत्रकारलाई भित्र र बाहिर गराइयो
राष्ट्रपति जिल्ला सदरमुकाम आएपछि जिल्ला विकासको हलमा अन्तरक्रिया शीर्षकमा कार्यक्रम राखिएपनि व्यावस्थापन लथालिङ्ग थियो । सबै अन्योलमा थिए । अन्तरक्रिया कार्यक्रम भनेपनि नेपाली सेनाले जिल्लास्थित पत्रकारहरुलाई घरि बाहिर निकाल्ने र घरि भित्र बोलाउने काम गरिएको थियो । ‘फोटो मात्रै खिचेर बाहिर जानुस्’ भन्दै जर्बजस्ती बाहिर निकालिएका पत्रकारलाई पुनः ‘आउनुस्’ भन्दै बोलाइएको थियो । पत्रकारहरुले समेत अव्यवस्थित कार्यक्रमको विरोध गरेका छन् ।
राष्ट्रपति जिल्ला सदरमुकाम आएपछि जिल्ला विकासको हलमा अन्तरक्रिया शीर्षकमा कार्यक्रम राखिएपनि व्यावस्थापन लथालिङ्ग थियो । सबै अन्योलमा थिए । अन्तरक्रिया कार्यक्रम भनेपनि नेपाली सेनाले जिल्लास्थित पत्रकारहरुलाई घरि बाहिर निकाल्ने र घरि भित्र बोलाउने काम गरिएको थियो । ‘फोटो मात्रै खिचेर बाहिर जानुस्’ भन्दै जर्बजस्ती बाहिर निकालिएका पत्रकारलाई पुनः ‘आउनुस्’ भन्दै बोलाइएको थियो । पत्रकारहरुले समेत अव्यवस्थित कार्यक्रमको विरोध गरेका छन् ।
राष्ट्रपति यादवले सभासद् सुनुवारबिच भएको विवादलाई लिएर समाचार नलेख्नोस् भन्दै हात जोडे । हात जोडे भने, ‘तपाई पत्रकारहरु राम्रो कुरा भन्दा झन् यस्तो कुरालाई लिएर बढी समाचार लेखिदिनुहुन्छ । कृपया यो विषय नलेखिदिनुहोला ।’
हलबाट बाहिरिने क्रममा समेत सभासद् माथि आफ्ना असन्तुष्टि अनौपचारिक रुपमा समेत पोख्दै आफुलाई मुख लागेकोमा दुखेसो गरे । उनका साथमा काँग्रेस उपसभापति रामचन्द्र पौडेल, एमाले उपाध्यक्ष विद्या भण्डारी, वन मन्त्री महेश आचार्य र पूर्व पर्यटन मन्त्री शरद्सिंह भण्डारीसहित थिए ।
स्थानीय पत्रकार शिवप्रसाद ढुंगानाको सहयोगमा नयाँपेजको खबर
About Unknown
0 comments :
Post a Comment