काठमाडौँ : माउन्टेन एयरको 9 N-AJP हेलिकोप्टर सिन्धुपाल्चोकको यमुनाडाँडा गाविसमा दुर्घटना हुँदा चालक दलका सदस्य सहित चार जनाको मृत्यु भएको छ । भूकम्प प्रभावित क्षेत्रमा राहत पुर्याउन परिचालित माउन्टेन एयरको हेलिकोप्टर मंगलबार दिउँसो सिन्धुपाल्चोक यमुनाडाँडा गाविसको बिजुुलीको हाइटेन्सन लाइनमा ठोक्कीएर शीला पर्वतमा खसेको थियो ।
सिन्धुपाल्चोकका प्रहरी प्रमुख दीपकराज खरेलका अनुसारभक्तपुर घर भएका पाइलट सुबेग श्रेष्ठ, अमितकुमार सिंह, शेरबहादुर कार्की र हल्याण्डकी नागरिक जेसिकाको मृत्यु भएको हो । महत र कार्की चिकित्सक हुन् भने जेसिका नर्स हुन्। हेलिकप्टरका क्याप्टेन श्रेष्ठ केही समयअघि मात्र क्याप्टेनमा बढुवा भएका थिए ।
प्रत्यक्षदर्शीहरुका अनुसार हेलिकप्टर बिजुलीको हाईटेन्सन लाईनमा ठोक्किएर दुर्घटना भएको हो । सिन्धुपाल्चोकको क्षेत्र नम्बर २ मा पर्ने गुम्बा गाविसको तेम्बाथानमा राहत तथा स्वास्थ्य सेवा प्रदान गरेर हेलीकोप्टर फर्किन्दै थिए ।
हेलिकोप्टरले काठमाडौं विमानस्थलमा अन्तिमपटक २ बजेर ३७ मिनेटमा सम्पर्क गरेको त्रिभुवन अन्तर्राष्ट्रिय विमानस्थलले जनाएको छ। त्यसपछि सम्पर्कविहीन भएको हेलिकोप्टर दुर्घटनामा परेको हो। स्थानीयबासीहरुका अनुसार हेलिकोप्टर अनियन्त्रीत भएर तल तल उडेको थियो । हेलिकप्टर दुर्घटनापछि जंगलमा भीषण आगलागी समेत भएको थियो ।
0 comments :
Post a Comment