काठमाडौँ : भारतले नेपालमा गरेको अघोषित नाकाबन्दीको विरोधमा विद्यार्थी संगठनले भारतीय राजदूतावा घेराउ गरेका छन् । विभिन्न राजनीतिक दलसँग आबद्ध विद्यार्थी संगठनले सोमबार लैनचौरस्थित भारतीय दूतावास घेराउ गरेका हुन् ।
हातमा ‘भारतीय विस्तारवाद मुर्दावाद’ लेखिएका प्लेकार्ड र राष्ट्रिय झण्डा बोकेका विद्यार्थीले एक घण्टासम्म भारतीय दूतावास घेराउ गरेको एमाले निकट विद्यार्थी संगठन अनेरास्ववियुका प्रवक्ता आरसी लामिछानेले जानकारी दिए ।
विद्यार्थी संगठनका अध्यक्षको नेतृत्वमा जुलुससहित दूतावास पुगेका विद्यार्थीलाई दूतावास अगाडि प्रहरीले रोक्न खोजेको
थियो । प्रहरीले रोक्न खोजेपछि केही बेर विद्यार्थी र प्रहरी बीच घम्साघम्सी भएको थियो । प्रहरीसँगको घम्साकम्सीपछि दूतावास अगाडि पुगेका विद्यार्थीले दूतावास घेराउ गरेर भारतको अघोषित नाकाबन्दीको चर्को विरोध जनाए ।
About Unknown
0 comments :
Post a Comment