अन्ततः नेकपा एमालेकी उपाध्यक्ष बिद्यादेवी भण्डारीले नेपालको इतिहासमा पहिलो महिला राष्ट्रपतिको रुपमा आफ्नो नाम दर्ता गराउनुभएको छ । नेपाली राजनीतिका लागि यो नितान्त नौलो परिघटना भए पनि बिश्वका धेरै देशहरुमा महिला नेतृहरुले देशको नेतृत्व गरिरहेका छन् । बिश्व इतिहास हेर्ने हो भने बिभिन्न देशमा बिभिन्न पटक गरेर ३६ जना महिलाहरु राष्ट्रपति बनिसकेका छन् । अहिले पनि नेपाल बाहेक २२ मुलुकहरु महिला प्रमुखहरुले हाँकीरहेका छन् । यसअघि बिभिन्न २६ मुलुकमा महिला नेतृहरुले राष्ट्रप्रमुखको भूमिका निर्वाह गरिसकेका छन् । ती मध्ये २३ जना निर्बाचित र ८ जना महिलाहरु मनोनित राष्ट्रपति बनेर उनीहरु देशको सवैभन्दा माथिल्लो तहमा पुगेका हुन् । त्यसैगरि केही देशहरुमा बिभिन्न ५ पटक उत्तराधिकारीको रुपमा तत्कालीन राष्ट्रपतिका श्रीमती र छोरीहरु राष्ट्रपति बनेको इतिहास रहेको छ । बिश्वकै पहिलो महिला राष्ट्रपति अर्जेन्टिनाकी आइसावेल पेरोन हुन् । आफ्ना पति राष्ट्रपति जुवान पेरानको कार्यकाल अवधिमा नै निधन भएपछि उनले सन् १९७४ को जुलाइ महिना देखि १९७६ को मार्चसम्म राष्ट्रपतिको रुपमा सेवा गर्ने अवसर पाएकी थिइन् । यद्यपि, विश्वको पहिलो निर्वाचित महिला राष्ट्रपति बन्ने मौका भने आइसल्याण्डकी भिग्दिश फिनबोगस्टिरले पाइन् । उनले सन् १८९० देखि १९९६ सम्म आइसल्याण्डको राष्ट्रपति रहेकी थिइन् । हालसम्म सबैभन्दा धेरै पटक महिला राष्ट्रपति हुने देश स्वीटजरल्याण्ड हो । जनुवरी १, १९९९ मा रुथ ड्रेइफस् त्यहाँ पहिलो पटक महिला राष्ट्रपति बनेकी थिइन् । त्यसपछि, सन् २००७, २०१०, २०११ र २०१२ मा पनि महिला राष्ट्रपतिहरुले १–१ वर्षे कार्यकाल पूरा गरेका छन् ।
We bring you the latest breaking news that are happening around the world. For daily news, celebrity gossips, scoops, scandals, sports news, crime news and many more, don't forget us to visit ... www.nepalhamro.com.
0 comments :
Post a Comment