बुधबार व्यवस्थापिका संसदमा नेपाली कांग्रेसका राष्ट्रपति उम्मेदवार कुलबहादुर गुरुङलाई हराउदै भण्डारी राष्ट्रपति पदमा निर्वाचित भएकी हुन् । राष्ट्रपति पदका लागि भएको निर्वाचनमा खसेको पाँच सय ४९ मतमध्ये भण्डारीले ३२७ मत पाएकी छिन् । भण्डारीका प्रतिस्पर्धी गुरुङले २१४ मत मात्र पाएका छन् ।
वि.सं. २०१८ सालमा असार ५ गते भोजपुरको मानेभञ्ज्याङको पाण्डे परिवारमा विद्याको जन्म भएको थियो । स्व.रामबहादुर पाण्डे र मिथिला पाण्डेकी पुत्री विद्या जननेता मदन भण्डारीकी धर्मपत्नी हुन् । विद्याले मदन भण्डारीसँग २०३९ सालमा विवाह गरेकी थिइन । विद्याका उषाकिरण र निशाकुशुम दुई छोरी छन् ।
भोजपुरको बेहेरेश्वर प्राथमिक विद्यालयबाट औपचारिक शिक्षा आर्जन गरेकी विद्याले माध्यमिक शिक्षा विद्योदय व्यवसायिक सेकेण्डरी स्कुलबाट लिएकी हुन् । गाउँले जनजीवनमा हुर्किएकी विद्यालये आईएसम्मको अध्ययन भोजपुर क्याम्पसबाटै पुरा गरिन् । भण्डारीले विराटनगरको महेन्द्र मोरङ कलेजबाट स्नातक तहसम्मको अध्ययन गरेकी छिन् ।
About Unknown
0 comments :
Post a Comment