भारी हिमपातसंगै हिमाली जिल्लाहरुको जनजीवन कष्टकर

बुधवारबाट परेको वर्षापछि मनाङ सहित देशका उच्च हिमाली भेगमा भारी हिमपात भएको छ । हिमपातका कारण हिमाली क्षेत्रको जनजीवन कष्टकर बनाएको छ । हिमालपारीको जिल्ला मनाङमा बुधवारदेखि भारी हिमपात भएको छ । बुधवारबाट शुरु भएको वर्षाका कारण हिमपात भएको हो । जिल्लाका चामे सहित विभिन्न थानमा १० देखि १५ सेन्टीमिटर बाक्लो हिमपात हँुदा त्यहाँको जनजीवन नराम्ररी प्रभावित भएको छ । हिमपातका कारण चिसो बढ्दा सर्वसाधारणको दैनिकी कष्टकर बनेको छ । बुधवार राति त्यहाँको तापक्रम ३ डिग्री सेल्सियस सम्म पुगेको थियो भने बिहीबार राति माइनस ५ डिग्री सेल्सीयससम्म पुग्ने अनुमान गरिएको छ । यसैगरी हिमालपारीको अर्को जिल्ला मुस्ताङ्गमा बाक्लो हिमपात भएको छ । मौसममा एकाएक आएको परिर्वतनका कारण बुधबार राति देखि मुस्ताङ्गको धेरै क्षेत्रमा बाक्लो हिमपात भएको हो । हुम्लामा पनि बुधबार रातिबाट पानी पर्दा चिसो बढेको छ भने सदरमुकाम सिमीकोटको माथिल्लो लेकमा हिमपात भइरहेको छ । हिमपातपछि बढेको जाडो छल्न सदरमुकाम सिमीकोटका स्थानीयहरु विहानैदेखि आगो बालेर ताप्न बाध्य भएका छन् । यसपाली कात्तिक महिनामै चिसो बढेकाले छिट्टै हिमपात हुने सम्भावना बढेको स्थानीय बासिन्दाहरुले बताए । उता मुगुमा पनि चिसो बढेसँगै विभिन्न स्थानमा हिमपात भएको छ । मुगु,डोल्फु ,किम्री,पुलु ,माग्री,खमाले ,रोवा,रुगा ,पिना लगायतका गाबिसहरुमा हिमपात भएको छ भने हिमपातको कारण जनजीवन प्रभावित भएको छ । हिमपातको कारण नेपालगंज,सुर्खेतबाट मुगुको लागि ब्यापारिक सामान लिएर आएका मालबाहक गाडीहरु मुगु र जुम्लाकोबीच भागमा पर्ने घुच्ची लेकमा रोकिएको मुगु उद्योग वाणिज्य संघ मुगुका अध्क्षय कमलबहादुर बुढाले जानकारी दिए । यता विहीबार विहानदेखि परेको वर्षाका कारण काठमाण्डौं र यसका आसपासका क्षेत्रहरुमा पनि एक्कासि चिसो बढेको छ ।

Share on Google Plus

About Unknown

We bring you the latest breaking news that are happening around the world. For daily news, celebrity gossips, scoops, scandals, sports news, crime news and many more, don't forget us to visit ... www.nepalhamro.com.