गैर आवासीय नेपाली सङ्घ (एनआरएन) अमेरिकाले नेपाल माथी भारतले गरेको अघोषित नाकाबन्दीको विरोधमा ज्ञापनपत्र बुझाउने भएको छ |
यहि नोभेम्बर १७ मा संयुक्त रास्ट्रसंघका महासचिव वान कि मुनलाई उक्त ज्ञापनपत्र बुझाउने कार्यक्रम रहेको एनआरएन अमेरिकाका अध्यक्ष डा. केशव पौडेलले द नेपाल टुडेलाई बताउनु भयो।
एनआरएन अमेरिकाको अगुवाईमा प्रवासी नेपालीका विभिन्न सङ्घ-संस्थाहरू लगायत विदेशीहरुको समेत सहभागितामा हुन लागेको एनआरएनका मिडिया को-अर्डिनेट वाग्लेले जानकारी दिनुभयो |
कार्यक्रमको तयारी अन्तिम चरणमा पुगेको सङ्घका अध्यक्ष डा. केशव पौडेलले बताउनु भयो । "दिनको १२.०० देखि ३.०० बजेसम्म रास्ट्रसंघको भवन अगाडी विरोध प्रदर्शन र ज्ञापन पत्र बुझाउने योजना रहेको छ" उहाँले भन्नुभयो ।
यसै गरी २२ नोभेम्बरमा वाशिंगटन डि. सी.मा एनआरएन अमेरिकाले त्यस क्षेत्रका नेपालीहरूका विभिन्न सङ्घ-संस्थाहरुसंग हातेमालो गर्दै संयुक्त रूपमा विरोध प्रदर्शन गर्ने कार्यक्रम समेत राखेको अध्यक्ष पौडेलले बताउनु भयो |
"हामीले न्युयोर्कको कार्यक्रम भब्य रुपमा सम्पन्न गर्छौं र डी. सी. को कार्यक्रम भब्य रुपमा सम्पन्न गर्छौं | एनआरएनका साथीहरुलाई त्यही अनुरुप पत्राचार र जानकारी पठाईएको छ |" अध्यक्ष डा. पौडेलले द नेपाल टुडेलाई बताउनु भयो |
0 comments :
Post a Comment