नेपाली कांग्रेसका कार्यबाहक सभापति रामचन्द्र पौडेलले तराई मधेशमा आन्दोलनरत दलहरुलाई संसदमा आएर आफ्ना बिचार राखेर संसदबाटै समस्याको समाधान खोज्न आग्रह गर्नु भएको छ | हालै एक प्रेस बिज्ञप्ति जारी गर्दै पौडेलले उक्त कुरा बताउनु भएको हो | पौडेलले जारी गर्नु भएको अपिल जस्ताको तस्तै प्रस्तुत गरिएको छ |
मिति–२०७२/०७/२१
हार्दिक अपिल
लामो समयदेखि तराई मधेशमा जारी आन्दोलनले तराई मधेश मात्र नभएर सिंगो मुलुक आक्रान्त बनेको छ । तराई मधेशमा जारी आन्दोलनले आम नागरिकको जीवनयापनमा समेत कष्टकर बन्दै गएको छ । नेपाली कांग्रेस तराई मधेशमा देखिएका समस्या समाधानका लागि सधै अग्रसर रहेको जानकारी गराउदै नेपाली कांग्रेस नेतृत्वको सरकारले अन्तरिम संविधानमा समावेश भएका तर संविधानसभाबाट जारी नयाँ संविधानमा छुटेका समावेशीता र समानुपातिक सहभागिता तथा जनसंख्याका आधारमा निर्वाचन क्षेत्र निर्धारण गर्ने व्यवस्थाका लागि संविधान संसोधन प्रस्ताव संसदमा दर्ता गराइसकेको समेत स्मरण गराउन चाहान्छु ।
यसै सन्दर्भमा नेपाली कांग्रेसको हालै सम्पन्न केन्द्रीय कार्यसमितिको बैठकले समावेशीता र समानुपातिक सहभागिता तथा जनसंख्याका आधारमा निर्वाचन क्षेत्र निर्धारण गर्ने व्यवस्थाका लागि संविधान संसोधन प्रस्ताव अगाडि बढाउन आगामी संसदको बैठकबाट पहल सुरु निर्णय समेत गरिसकेको छ । त्यसकारण तराई मधेशमा आन्दोलनरत दलहरुलाई संसदमा आएर आफ्ना बिचार राखेर संसदबाटै समस्याको समाधान खोज्न नेपाली कांग्रेस हार्दिक अपिल गर्दछ ।
नेपाली कांग्रेस
संसदलाई सवै समस्याको समाधान खोज्ने थलोका रुपमा विकसित गरि पहिलो चरणमा संविधान संसोधनका लागि पहल गरि संविधानसभाबाट जारी संविधानलाई संसोधन मार्फत समृद्ध बनाउन सकिने नेपाली कांग्रेसको ठहर छ । नेपाली कांग्रेस तराई मधेशका जायज मागलाई सम्बोधन गर्न सधै तयार रहेको समेत प्रतिवद्धता व्यक्त गर्दछु ।
रामचन्द्र पौडेल
कार्यबहाक सभापति
About Unknown
0 comments :
Post a Comment