इन्धन अभावले लमजुङमा सुन्तलाहरु बोटमै कुहिन थाले

सुन्ताला व्यबसायबाट आफ्नो गुजारा चलाउने कृषकहरु लगातारको तराई बन्द र त्यसमाथि थपिएको भारतीय नाकाबन्दीको मारमा परेका छन् । एक बर्षमा एक पटक सुन्ताला बेचेर बर्षदिन पालिदै आएका उनिहरु इन्धन अभावका कारण उत्पादित सुन्तालालाई बजारसम्म लान समेत पाएका छैनन् । लगातारको तराई बन्द र भारतीय नाकाबन्दीका कारण लमजुङका सुन्ताला कृषकले बगैंचामा उत्पादन भएका सुन्तला बजारसम्म लान पाएका छैनन् । एकातिर बगैंचामा ठेकेदार नआइपूग्नु र अर्कोतिर बजारसम्म पु¥याउनका लागि इन्धन नहुनुले पनि सुन्तला कृषकहरुले सास्ती खेप्नु परेको छ । सुन्तला पकेट क्षेत्रको रुपमा मानिएको लमजुङको उदिपुर, चिती लगायतका स्थानमा फलेका सुन्तला बोटमै कुहिन थालेका छन् । ‘सिट्रस डिक्लाईन’ नामक रोगका कारण बर्षेनी सुन्तलाको उत्पादनमा ह्रास भइरहेको र बगैंचामा उत्पादन भएको सुन्तलाले पनि बजार नपाएपछि कृषकहरु निकै चिन्तित बन्न थालेका छन् । तिहार लगत्तै बगैंचामा सुन्तला पाकिसकेको भएपनि बन्द हडतालले आफुहरुलाई समस्या पारिदिएको कृषकहरुले गुनासो गरेका छन् । 

Share on Google Plus

About Unknown

We bring you the latest breaking news that are happening around the world. For daily news, celebrity gossips, scoops, scandals, sports news, crime news and many more, don't forget us to visit ... www.nepalhamro.com.