छठ पर्वदेखि शान्त रहेको तराई मधेस फेरी अशान्त बनेको छ । ११ दिने आन्दोलनको घोषणा गरेर आन्दोलनरत संयुक्त लोकतान्त्रिक मधेसी मोर्चा मधेस झरेको भोलिपल्टदेखि नै तराई ताँतिन थालेको हो ।शनिबार बीरगञ्ज र रौतहट दिनभर नै अशान्त रहयो । रौतहटको सदरमुकाम गौरमा आन्दोलनरत मधेशी मोर्चाका कार्यकर्ता र प्रहरी र बिच शनिबार दिनभरी भिडन्त भयो । मोर्चाले मधेश आन्दोलनलाई थप कडा र निर्णायक बनाउनको लागि सशक्त रुपमा प्रदर्शन गर्ने घोषणा गरेपछि आन्दोलन उग्र बन्दा प्रहरी र आन्दोलनकारीबीच झडप शुरु भएको हो । प्रदर्शनकारीले सरकार पक्षले आम हडतालको अवज्ञा गरी सरकारी कार्यालय खोलेको भन्दै जिल्ला प्रशासन, जिल्ला अदालतमा तोडफोड समेत गरेका छन । प्रदर्शनकारीले नेपाली काग्रेस जिल्ला कार्यसमिति रौतहटको कार्यालयमा समेत तोडफोड गरेका थिए । सो कार्यालयमा समान्य क्षति पुगेको छ । यसै गरी प्रदर्शनकारीले शनिवार गौर नगरपालिकाको वारुणयन्त्र तोडफोड गरेका छन । गौर नगरपालिका स्थानिय वडा नम्बर १० स्थित सबगढवा टोलबाट आगो निभाई फर्किरहेको अवस्थामा गौरको विपि चौकमा वारुणयन्त्रमा ढुङगा मुढा प्रहार गरि तोडफोड गरेका हुन । प्रदर्शनकारी र प्रहरी बिच झडप चलिरहँदा आक्रोसित प्रदर्शनकारीहरुको भिडले सो घटना घटाएको हो । सबगढा निवासी लक्षमण साहको घरमा लागेको आगो निभाएर फर्कने क्रममा प्रदर्शनकारीहरुले ढुङगा मुढा गर्न थालेपछि वारुण यन्त्रमा सवार राजेन्द्र प्रसाद साह, करिम अन्सारी , गेना पंडित, सन्तोष केशरी सहितका घाइते भएका छन । उनीहरुको गौरमा उपचार भईरहेको प्रहरीले जनाएको छ । यता बीरगंजको घण्टाघर चोक र माईस्थान चोकमा प्रहरी र मोर्चाका कार्यकर्ता बीच झडप हुँदा बीरगंज तनावग्रस्त बनेको छ ।
We bring you the latest breaking news that are happening around the world. For daily news, celebrity gossips, scoops, scandals, sports news, crime news and many more, don't forget us to visit ... www.nepalhamro.com.
0 comments :
Post a Comment