विराटनगरलाई पाँच वर्ष भित्र हरित नगर बनाइने

मोरङ जिल्लामा अवस्थित विराटनगर उपमहानगरपालिकालाई आगामी ५ वर्ष भित्र हरित शहर बनाउने योजना अघि बढाइएको छ । यसका लागि ५० हजार विरुवा रोपिने भएको छ । जिल्ला वन कार्यालय मोरङको सहकार्यमा विराटनगरलाई जंगल भित्रको शहर बनाउन विराटनगर उपमहानगरपालिका र जिल्ला वन कार्यालय मोरङबीच करिब २ करोड ५२ लाख रुपैया खर्च गर्ने सहमति भएको छ । सो सहमति अनुसार पहिलो वर्ष ८ हजार विरुवा रोपेर हुर्काउने र यसका लागि छुट्टै कर्मचारीहरु परिचालन गरिनेछ । यसैगरी दोश्रो वर्ष १२ हजार विरुवा रोपिने र त्यसपछिका प्रत्येक वर्ष १०÷१० हजार विरुवा रोपेर हुर्काउने सम्झौता पत्रमा उल्लेख छ । वन तथा भूसंरक्षण सचिव उदयचन्द्र ठाकुरको उपस्थितिमा आयोजित एक कार्यक्रमबीच जिल्ला वन कार्यालय र विराटनगर उपमहानगरपालिका बीच सम्झौता भएको हो । सम्झौता अनुसार सो अभियानका लागि जिल्ला वन कार्यालयले २५ लाख रुपैया र बाँकी रकम विराटनगर उपमहानगरपालिकाले खर्च गर्ने सहमति भएको छ ।

Share on Google Plus

About Unknown

We bring you the latest breaking news that are happening around the world. For daily news, celebrity gossips, scoops, scandals, sports news, crime news and many more, don't forget us to visit ... www.nepalhamro.com.