यो दुर्घटना चिम्नी टालटुल मात्र गरेर सञ्चालन गर्ने उद्योग सञ्चालकहरुको लापरबाहि र प्राविधिक जाँचमा प्रशासनको वेवास्ताले निम्तिएको स्थानियको आरोप छ । इटहरी १५ का सानेकुमार चौधरीले महाभूकम्पले जर्जर बनेको चिम्नी सामान्य टालटुल मात्र गरेको र चिम्नी वरपर भीडभाडकै बीच इँटा पोल्न सुरु गर्दा ठूलो दुर्घटना हुनपुगेको बताउनुभयो । ठूलो दुर्घटनाको सामना गरेका स्थानियले यो घटना प्रतिनिधि घटना मात्र भएको भन्दै यस्ता घटना अन्य इटा उद्योगमा दोहोरिन नदिन तत्काल प्राविधिक जाँच अघि बढाउनुपर्नेमा जोड दिएका छन् । प्रमुख जिल्लाअधिकारी नेतृत्वको टोलीले समेत दुर्घटना भएको न्यू जयनेपाल इटा उद्योगमा स्थलगतअनुगमन गरेको छ । अनुगमन टोलीमै आउनुभएका कोशी अञ्चल इँटा व्यवसायी संघका सचिव निरज खड्काले भूकम्पपछिको जिर्णोद्धारमै समस्या देखिएको र बर्षा र घामले समेत असर परेको चिम्नीलाई राम्रोसँग चेकजाँच नगरी इँटा पोल्ने काम गर्दा पड्किएर दुर्घटना भएको बताउनुभएको छ ।
About Unknown
0 comments :
Post a Comment