मधेस आन्दोलनमा सहभागिता कम हुँदै(महन्थ ठाकुर )

संयुक्त लोकतान्त्रिक मधेसी मोर्चाका संयोजक तथा तराई मधेस लोकतान्त्रिक पार्टीका अध्यक्ष महन्थ ठाकुरले मधेस आन्दोलनमा जनता सहभागी हुने क्रम घट्दै गएको स्वीकार गर्नुभएको छ । आन्दोलन शिथिल भएको जस्तो देखिएको भएपनि, शिथिल भने नभएको उहाँको जिकिर छ । वीरगन्जमा बुधबार मधेसी पत्रकार समाज पर्साले आयोजना गरेको पत्रकार सम्मेलनमा अध्यक्ष ठाकुरले अहिले खेतीपातीको सिजन र मौसम प्रतिकुल भएकोले आन्दोलनमा जनसहभागिता कम भएको जिकिर गर्नुभयो । उहाँले मधेस आन्दोलन र नाकाबन्दी वीरगन्जमै केन्द्रित भएको अध्यक्ष ठाकुरको भनाइ छ । उहाँले अरु नाकामा धर्नामा बस्न कठिनाइ भएको र भारतीय सुरक्षाकर्मीले पनि बेला बेलामा लाठी चार्ज गरेर धपाउंने गरेको गुनासो गर्नुभयो । अध्यक्ष ठाकुरले परराष्ट्रमन्त्री कमल थापाले चार बुंदे प्रस्ताव मधेसी मोर्चालाइ बुझाउनुको सट्टा दिल्लीमा भारतीय विदेशमन्त्री सुष्मा स्वराजलाई बुझाएकाले समस्या झन जटिल बनेको बताउनुभयो । मोर्चाका नेताहरुको पछिल्लो दिल्ली भ्रमण फलदायी भएको बताउंदै अध्यक्ष ठाकुरले मधेस आन्दोलनबारे राज्यले भारतमा फैलाएको भ्रम चीर्न भारत भ्रमण सफल भएको जिकिर गर्नुभयो । तीन दल र सरकारले मधेसी मोर्चासंग भएको सहमति विपरित संविधान संशोधन र भूकम्पप्रभावित संरचना पुनर्निर्माण विधेयक संसदमा जबरजस्ती पेश गरेकाले मुलुक अझ जटील अवस्थामा पुगेको उहाँको ठम्याई छ । 

अध्यक्ष ठाकुरले मधेस आन्दोलनका सबै माग प्याकेजमै सम्बोधन नभए सम्म आन्दोलन नरोकिने पनि उहाँले प्रष्ट पार्नुभयो ।

Share on Google Plus

About Unknown

We bring you the latest breaking news that are happening around the world. For daily news, celebrity gossips, scoops, scandals, sports news, crime news and many more, don't forget us to visit ... www.nepalhamro.com.