बेंग्लोरमा पढन बसेका नेपाली विद्यार्थीमाझ सांगीतिक समूह नेपथ्यले आइतबार कन्सर्ट प्रस्तुत गरेको छ । आरआर इन्स्टिच्युटको मैदानमा भएको नेपथ्य कन्सर्टमा तीन हजारभन्दा बढी दर्शकको उपस्थिति रहेको आयोजकले जनाएको छ ।कार्यक्रममा नेपथ्यले नयाँ गीत ‘हो रामा रामा’ समेत गाएको थियो । ब्यान्डले उक्त गीत गत महिना चितवनको नारायणगढमा आयोजित कन्सर्टमा पनि गाएर सुनाएको थियो ।
‘शहरबाट यती टाढा पढन आउनुभएको तपाईहरुको राम्रो होस् र तपाइहरुको इच्छा पुरा होस् मेरो शुभकामना,’ गायक गुरुङले भने, ‘आफू जहाँ बसे पनि हामी सधै मिलेर बस्नु पर्छ ।’
कार्यक्रममा ‘रेशम’, ‘तालको पानी’, ‘भेँडाको ऊनजस्तो’, ‘उडायो रेलैले’, ‘जोमसोमे बजारमा’, ‘छेक्यो छेक्यो’, ‘यो जिन्दगानी’ र ‘लामपाते सुरती’ लगायतका गीतहरुमा दर्शक झुमिएका थिए ।
0 comments :
Post a Comment