वाल्टिमोर,मार्च ६ /एनआरएन अमेरिकाको आसन्न निर्वाचनमा उपाध्यक्षका प्रत्यासी वनेका रामसी पोख्रेलले आफूले गैरआवासीय नेपालीहरूका सामाजिक, आर्थिक, सांस्कृतिक एवं राजनैतिक समस्याहरूको समुचित समाधान एवं सुरक्षित भविष्य निर्माणको निम्ति उम्मेदवारी दिएको वताएका छन् । उनले भनेका छन - विविध कारणले आफनो मातृभूमि छाडेर विदेशी भूमिमा बसोबास गर्ने हामी समस्याहरूको समुचित समाधान एवं सुरक्षित भविष्य निर्माणको निम्ति सामाजिक एकबध्दता कार्यक्रमको खाचो सदैव रहिरहन्छ । गैरआवासिय नेपाली संघ ले यसको लागि भरसक प्रयत्न गरिरहेको छ ।
उनी संसार भरि र अमेरिकामा गैर आवासीय संघ नेपालीहरूको भरोसा योग्य अन्तराष्ट्रिय संस्था बन्न पुगेको भन्दै यसलाई अझ उचाइमा पुरयाउन सम्पूर्ण नेपालीको साझा बनाउन सबैको शुभेच्छा र सहकार्यको आवश्यकता देख्छन् । उनको भनाई छ ,यसको उदेश्य परिपूर्ति गर्न के गर्नुपर्छ भन्ने बारे कोही पनि अनविज्ञ नभएको भन्दै आफूले उमेदवारी दिएको वताउँछन् । पोख्रेलको भनाई छ -नेपाली समाज टेक्सास एवं ड्यालस एभरेष्ट लाइन्स क्लब टेक्सासको पूर्व अध्यक्ष समेत रही निरन्तर नेपाली समाज बिच क्रियाशील रहदै आएको व्यक्ति भएको र आफनो विगतको अनुभवका आधारमा केही योगदान गर्न सक्छु भन्ने पूर्ण विश्वासका साथ उम्मेदवारी प्रस्तुत गरेको छु ।
उनी आफनो एजेण्डाको वारेमा भन्छन, विदेशी अर्थात् अमेरिकी भूमिमा नेपाल र नेपालीको पहिचान बढाउने कार्यहरू गर्ने,हरेक राज्यका स्थानीय संघ संस्थासग सहकार्य गर्ने र एनआरएन प्रति अभिरुचि अभिवृध्दि गर्ने रहेको छ । उनी आफूले आर्थिक पारदर्शिता स्थापित गर्ने र आर्थिक कोषको उचित प्रयोजनमा जोड दिने वताउँछन् , आकस्मीक कोषको उचित व्यवस्थापनमा विशेष जोड दिनूको साथै यस कोषमा सबैको पहुच पुरयाउने लक्ष्य राखिने उल्लेख गर्दै आवश्यक समिति र उपसमितिको गठन गरी आम जन सहभागितामा अभिवृध्दि गर्ने छु ।दोहोरो नागरिकता प्राप्ति र दोहोरो कर प्रणालीको खारेजी विषयमा तर्कपूर्ण बहसको निरन्तरता दिदै नेपालमा विदेशी लगानी सम्बन्धी आवश्यक नीति तर्जूमा गर्न आवश्यक पहल कदमी गर्ने उनको एजेण्डामा उल्लेख गरिएको छ । नेपाली भूमिमा पर्ने दैबी प्रकोप र नेपालको बिकासका लागि विदेशबाट गर्नसकिने सहयोग जुटाउन लागि पर्ने तथा नवआगन्तुक नेपालीहरूलाई विशेष प्राथमिकताका साथ आवश्यक सहयोगक लागि संरचना तयार गरी कार्यनन गर्ने उनले आफनो कार्ययोजना प्रस्तुत गरेका छन् ।
Source- Globe Nepal
0 comments :
Post a Comment