(सेलिब्रेटी गफगाफ)आजकल के गर्दै हुनुहुन्छ ?
अहिले त फिल्म ‘हवल्दार सुन्तली’ को प्रमोशनमा नै ब्यस्थ छु । फिल्मको मिती नजिकिदै छ त्यसैले फिल्मको कामहरुमा नै ब्यस्थ छु । पत्रकारहरु भेटघाट र फिल्मको प्रमोशनका लागि थप के कस्ता कुराहरु गर्न सकिन्छु भन्ने मा नै लागिपरेकी छु ।
कस्तो कथामा आधारित छ ‘हवल्दार सुन्तली’ ?
‘हवल्दार सुन्तली’ एउटा पारिवारिक कथा बोकेको, सबै वर्गले हेर्न मिल्ने फिल्म हो । यो सुन्तली धामीको बलत्कारको बिषयमा आधारित रहेर बनाइएको फिल्म हो । सुन्तली धामीले आफनो इज्जत लुटिएर न्यायको लागि बिभिन्न ठाउँमा जादाँ पनि न्याय नपाएको । उसले न्याय पाउनका कस्तो सर्घष गर्नु परेको थियो भन्ने कथा फिल्ममा देखाउन खोजिएको छ ।
कति वर्ष हुनुभयो ?
म अहिले २३ वर्ष भए ।
तपाई प्राय चर्चामा आइरहनु हुन्छ, कहिले छवी जी सँग त कहिले छोटा कपडाले , किन ?
तपाई प्राय चर्चामा आइरहनु हुन्छ, कहिले छवी जी सँग त कहिले छोटा कपडाले , किन ?
यो फिल्मी लाइन नै यस्तै हो । हामी कलाकारहरुलाई सानो रुघा मात्र लाग्यो भने पनि बाहिर ठुलो हल्ला हुन्छ । अब छवी जी सँग नाम जोडिएको चाही एकदमै गलत हो उहाँ मेरो बुवा सम्मान मान्छे । मैले कसरी उहाँँसँग बिहे गर्छु होला । छोटा कपडा चाही मान्छेको नजरको कुरा हो । अब मलाई जुन कपडा मन पर्छ त्यही कपडा लगाउने हो । हेर्नको लागि मान्छेले जुन दिशा बाट पनि त हेर्न सक्छन् नी । मान्छेले कुरा काट्छन् भनेर मैले आफुले चाहेको जस्तो कपडा पनि लगाउन नपाउने ।
तपाई र छवी ओझा बिच प्रेमको चर्चा पनि निकै सुनियो नी ?
चर्चा सुन्नु सामान्य कुरा हो । फिल्मी क्षेत्रमा यस्ता खाले हल्ला त धेरै हुन्छन् । म हल्लाको पछि कहिले पनि लाग्दिन । यस्तो चर्चा गर्ने मान्छेहरुले मलाई आएर सोधनु नी । सत्य कुरा के हो भनेर ।
बिवाहकै कुरा पनि त चलेको थियो नी ?
रेखा जी सँग शुरुमा विवाह भएको हुनाले मैले पनि बिवाह गर्न लागे भनेर हल्ला चलेको हो । तर हाम्रो भेट कामको सिलसिलामा अफिसमा मात्र हुन्छ । हामी दुई सँग जो जो अफिसमा आएर कुरा गर्नुहुन्छ उहाँँहरुले यो त हल्ला मात्र रहेछ भन्नु भएको छ । छवी जी बाट तपाईलाई बिवाहको प्रस्ताव आयो भने के गर्नु हुन्छ ?
यो एकदमै नहुने कुरा हो । म उहाँलाई आफनो ड्याडि जस्तो मान्छु र उहाँबाट यस्तो प्रस्ताव आउँछ भन्ने म कल्पनै सम्म पनि गर्न सक्दिन ।
छवीजी ले त कुनैबेला तपाईले स्वीकारे हामफालेर पनि जान्छु भन्नुभएको थियो नी त ?
हो, यो कुरा सुनेर म पनि छक्क परेको थिए । तर पछि थाहा भयो धेरै जनाले उहाँलाई मेरो र उहाँ बिच के सम्बन्ध छ भनेर सोध्दा आफुलाई वाक्क लागेको हुनाले उहाँले यस्तो उत्तर दिनुभएको रहेछ ।
तपाई त रेखा थापा जस्तै देखिने हुनाले छवीराज ओझाले लिनु भएको रे नी ? म यो फिल्म लाइनमा आउनु भन्दा पहिला म्युजिक भिडियोमा काम गर्थे । फिल्ममा मेरो राम्रो अभिनयले गर्दा नै म आज यहाँँ छु । मलाई रेखा थापा जस्तो देखिनु पनि छैन र उनले गर्दा मैले स्थान पाएको पनि होइन । छवीराज ओझाले मेरो अभिनयले गर्दा मलाई लिनु भएको हो । म छवी जी ले गर्दा नै आज यहाँसम्म आइपुगेकी हुँ ।
फिल्मी क्षेत्रमा जम्न नायिकाहरुले धेरै कुराहरुको त्याग र सर्मपण गर्नुपर्छ रे नी हो ?
वास्तवमा नेपाली फिल्मी क्षेत्र एउटा अच्चम को क्षेत्र हो । यहाँ धेरै शोषित भएर निक्लिएका पनि छन् र धेरै ले यही पेशाबाट नाम पनि कमाएका छन् । आफनो काम गर्ने हो । कसैले के भन्ला मैले यस्तो गरे भनेर सोच्ने होइन । राम्रो काम गर्नेलाई सबैले राम्रो नै भन्छ । अलि अलि दुख वेदना त सहनु पनि पर्छ ‘हवल्दार सुन्तली’ बाट कस्तो अपेक्षा गर्नुभएको छ ?
अरु फिल्ममा भन्दा यो फिल्ममा मैले धेरै मेहिनीत गरेकी छु । मेरो अभिनय पनि फरक खाले छ यसमा । आशा गर्छु मेरो मेहिनीत र मैले गरेको कामलाई दर्शकहरुले रुचाउँनु हुन्छ ।
प्रस्तुति ः सुकृत
0 comments :
Post a Comment