हप्तै पिच्छे शुक्रवार नेपाली फिल्मको बाढि नै आउँछ । यो साता पनि यस्तै भएको छ । भोली शुक्रवार अर्थात चैत्र २७ गते तीन नेपाली र एक हिन्दी फिल्म रिलिज हुदै छ । यी चारवटा फिल्मको मज्जाको पक्ष भनेको भारतीय नायिका सन्नि लियोनी नै हो । अब हिन्दी फिल्म कि हट नायिका सन्नी लियोनी सँग हाम्रा तीन निर्माता छवीराज ओझा, नीर शाह र बिकास आर्चाय कत्तिको चल्छन् त्यो भने हेर्न बाकि नै छ ।
बब्बी खान निर्देशित फिल्म ‘एक पहेली लीला’ अहिले चर्चाको फिल्म बनेको छ । उसै त सन्नी लियोनी त्यसमाथी उनले गरेको हट हट दृश्य दर्शकले मन नपराउने त कुरै भएन । फिल्ममा सन्नी लियोनीको ट्रिपल रोल छ भने करिब डेढ घण्टा लामो फिल्मको गीत अहिले निकै हिट छ । फिल्ममा सन्नी सँग जय भँसाली, राहुल देव, रजनीश दुग्गल, मोहित अलावत लगायतका कलाकारहरुको अभिनय गरेका छन् ।
ऋषि लामिछानेले निर्देशन गरेको ‘हवल्दार सुन्तली’ ले बलत्कार बाट पिडित सुन्तली धामीको बिषयबस्तुलाई फिल्मको कथा बनाएको छ । फिल्ममा शिल्पा पोखरेल, सबिन श्रेष्ठ, किशोर खतिवडा लगायतका कलाकारहरुको अभिनय रहेको छ । फिल्ममा शिल्पाको डबल रोल हेर्न पाइन्छ । फिल्मलाई छवीराज ओझाले निर्माण गरेका हुन ।
मुस्कान ढकाल निर्देशित ‘नाई नभन्नु ल ३’ ले पहिलाको जस्तो राम्रो ब्यापार गर्छ भन्नेमा सबै आशावादि छन् । पारिवारिक जनराको फिल्ममा प्रेम र बिछोडलाई भिन्दै ढँगबाट कथा देखाउन खोजिएको छ । सुरज सिंह ठकुरी, प्रियंका कार्की, आर्यन सिग्देल, सँचिता लुइटेल लगायतका कलाकारहरुको फिल्ममा अभिनय रहेको छ । फिल्मलाई बिकास आर्चायले निर्माण गरेका हुन ।
नीर शाहको निर्देशन बनेको फिल्म ‘सेतो बाघ’ मा बीएस राणाको मुख्य भुमिका रहेको छ । जंगबहादुर राणाको जीवनी माथी लेखेको पुस्तक फिल्म माथी आधारित छ ।
0 comments :
Post a Comment