अर्घाखाँची । अर्घाखाँची जिल्लाको पोखराथोक गाविसमा बिहीबार दिउसो लागेको आगलागीमा परेर एक बालकको ज्यान गएको छ । पोखराथोक ८ कमाइघारीका भीमबहादुर सुर्यबंसीको घरमा आगो लाग्दा उनका ७ बर्षिय छोरा थमन सुर्यबंसीको ज्यान गएको स्थानीय बासिन्दाले बताएका छन् । घरमा थमन मात्र भएको समयमा आगलागी भएको बताइएको छ | आगो लाग्नुको कारण थाहा हुन सकेको छैन । आगलागीबाट भीमबहादुर सुर्यबंसीको घर र गोठ तथा उनका भाई सोभासिंह सुर्यबंसीको गोठ समेत जलेर नष्ट भएको प्रहरी चौकी खिदिमले बताएको छ । स्थानीयबासिन्दा र प्रहरी चौकी खिदीमबाट गएको प्रहरी टोलीले आगलागी नियन्त्रणमा लिएको छ । आगलागीको घटनाबारे अनुसन्धानका लागि जिल्ला प्रहरी कार्यालय अर्घाखाँचीका प्रहरी निरिक्षक युबराज तिमिल्सीनाको नेतृत्वको प्रहरी टोली घटस्थालतर्फ गएको छ
-
Blogger Comment
-
Facebook Comment
Subscribe to:
Post Comments
(
Atom
)
0 comments :
Post a Comment