काठमाण्डौ जेठ १३ । हिजो राती चलेको हावाहुरीले उदयपुरमा १ जनाको मृत्यु हुनुका साथै ७ जना घाइते भएका छन् । गए रातिको हावाहुरीबाट रैता गाविस–९ गुरासे बस्ने २० वर्षीया शान्तिकुमारी थापा मगरको घरको छाना भत्किँदा छानाले थिचिएर मृत्यु भएको र अन्य विभिन्न स्थानमा सात जना घाइते भएको प्रमुख जिल्ला अधिकारी कृष्णचन्द्र घिमिरेले जानकारी दिनुभयो । यससंगै शनिबारदेखि लगातार चलेको हावाहुरीबाट करिब ३५० घर र १२ विद्यालयमा समेत क्षति पुगेको छ । त्यस्तै विजुलीका करिब ४०० खम्बा ढलेका प्रहरीले जनाएको छ । हावाहुरीका कारण पञ्चावती, भलायडाँडा, साउने, राम्पुर ठोक्सिला, हटिया र चुरे क्षेत्रका तीन हजारभन्दा बढी सालका रुख ढल्दा रु १० करोड बराबरको क्षति भएको जिल्ला वन अधिकृत किशोरचन्द्र गौतमले बताउनुभयो ।
0 comments :
Post a Comment