सुभाष घिमिरे
बाल्टिमोर, अमेरिका
गत वैशाख १२, २०७२ को महाभूकम्पले नेपाली इतिहासको वर्तमान कालखण्डलाई सम्पूर्ण रूपले प्रभावित गरेको प्रतीत हुन्छ | यसले हाम्रा दशकौं पुराना मान्यताहरूको जग मात्र हल्लाएन, हामीलाई आफ्ना जीवनका प्राथमिकताहरूको बारेमा पनि सोच्न बाध्य बनायो | जीवनको क्षणभंगुरताको बारेमा एक पटक यसले हामीलाई फेरि आफ्नै ढंगले सचेत गरायो | यसले छोडेका असरहरू भयावह छन् | हजारौं निर्दोष जीवनहरूको असामयिक समाप्तिको कारण मात्र बनेन यो, यसले अन्य लाखौँ जीवनलाई अपूरणीय क्षति पुर्यायो | भौतिक क्षतिको त कुनै लेखाजोखा नै भएन |
"हरेक बादलमा चाँदीको घेरा हुन्छ" भने झैं इतिहासको यो दुरुह कालखण्डमा हामीलाई एक पटक फेरि आशावादी बनायो यो महाभूकम्पले | राष्ट्रलाई जातजाति, भाषाभाषीको नाममा विभक्त गरेर नेपाली नेपाली बीच असहिष्णुता र वैमनस्यको बीउ रोप्न खोज्ने तत्वहरूको क्षीण भइसकेको शक्तिलाई यसले पूर्णतया निस्तेज बनायो | सबैभन्दा आशालाग्दो कुरा के भने यसले राष्ट्रिय परिदृश्यका सबै राजनैतिक शक्तिलाई एक ठाउँमा उभ्यायो | कम से कम सतहमा त्यही देखियो |
तर केही दिन यता सरकार परिवर्तन सम्बन्धी छापाहरूमा देखिएका चर्चा परिचर्चाले गम्भीर कुराको संकेत गरेको आभास हुन थालेको छ | एनेकपा माओवादीको दोश्रो संविधान सभा निर्वाचनमा गिरेको साख घोषित आन्दोलन फिर्ता लिन बाध्य भएपछि अझ गिरिसकेको थियो | जनताबाट बहिष्कृत भइसकेका विचार बोकेर उसले आफ्नो राजनीति अगाडि बढाउने कुनै उपाय देखिरहेको थिएन | भूकम्प लगत्तै एमाओवादीका नेताहरूको कुरा सुन्दा यस्तो लाग्थ्यो, साँच्चै अब चाहिं मुलुकमा केही हुन्छ, सबै दलहरूको साझा प्रयासमा मुलुकले एउटा अग्रगामी, लोकतान्त्रिक संविधान पाउँछ |
यही प्रसंगमा राष्ट्रिय सरकारको प्रसंग पनि सुरु भयो | तर केही दिन यता एनेकपा माओवादीका अध्यक्ष प्रचण्डको क्रियाकलापबाट जनता सशंकित हुन थालेका छन् | साँच्चैको सहमति चाहेको हो माओवादीले भने संविधान सभाको सबैभन्दा ठूलो दल नेपाली कांग्रेसको वर्तमान नेतृत्वमा सरकारमा गएर त्यसलाई राष्ट्रिय सरकारको रुप दिने प्रयासमा लाग्न उसलाई कुनै हिच्किचाहट नहुनु पर्ने हो | तर नेपाली कांग्रेसको विरुद्दमा नेकपा एमालेलाई प्रयोग गर्न खोजेर उसले एक पटक फेरि आँफैलाई नङ्ग्याउँदै आफ्नो सत्तालोलुपता प्रदर्शन गरेको छ | नेपाली कांग्रेसका उप-सभापति रामचन्द्र पौडेलले "राष्ट्रिय सरकारको नेतृत्व नेपाली कांग्रेसले नै गर्नुपर्छ" भन्दा अतिशयोक्तिपूर्ण मान्नेहरूको एनेकपा माओवादीको राष्ट्रिय सहमति भाँड्ने यस्तो दुराशयपूर्ण एवं अलोकतान्त्रिक क्रियाकलापप्रतिको मौनतालाई आश्चर्य मान्नुपर्दछ |
तर केही दिन यता सरकार परिवर्तन सम्बन्धी छापाहरूमा देखिएका चर्चा परिचर्चाले गम्भीर कुराको संकेत गरेको आभास हुन थालेको छ | एनेकपा माओवादीको दोश्रो संविधान सभा निर्वाचनमा गिरेको साख घोषित आन्दोलन फिर्ता लिन बाध्य भएपछि अझ गिरिसकेको थियो | जनताबाट बहिष्कृत भइसकेका विचार बोकेर उसले आफ्नो राजनीति अगाडि बढाउने कुनै उपाय देखिरहेको थिएन | भूकम्प लगत्तै एमाओवादीका नेताहरूको कुरा सुन्दा यस्तो लाग्थ्यो, साँच्चै अब चाहिं मुलुकमा केही हुन्छ, सबै दलहरूको साझा प्रयासमा मुलुकले एउटा अग्रगामी, लोकतान्त्रिक संविधान पाउँछ |
यही प्रसंगमा राष्ट्रिय सरकारको प्रसंग पनि सुरु भयो | तर केही दिन यता एनेकपा माओवादीका अध्यक्ष प्रचण्डको क्रियाकलापबाट जनता सशंकित हुन थालेका छन् | साँच्चैको सहमति चाहेको हो माओवादीले भने संविधान सभाको सबैभन्दा ठूलो दल नेपाली कांग्रेसको वर्तमान नेतृत्वमा सरकारमा गएर त्यसलाई राष्ट्रिय सरकारको रुप दिने प्रयासमा लाग्न उसलाई कुनै हिच्किचाहट नहुनु पर्ने हो | तर नेपाली कांग्रेसको विरुद्दमा नेकपा एमालेलाई प्रयोग गर्न खोजेर उसले एक पटक फेरि आँफैलाई नङ्ग्याउँदै आफ्नो सत्तालोलुपता प्रदर्शन गरेको छ | नेपाली कांग्रेसका उप-सभापति रामचन्द्र पौडेलले "राष्ट्रिय सरकारको नेतृत्व नेपाली कांग्रेसले नै गर्नुपर्छ" भन्दा अतिशयोक्तिपूर्ण मान्नेहरूको एनेकपा माओवादीको राष्ट्रिय सहमति भाँड्ने यस्तो दुराशयपूर्ण एवं अलोकतान्त्रिक क्रियाकलापप्रतिको मौनतालाई आश्चर्य मान्नुपर्दछ |
(घिमिरे नेपाली जनसम्पर्क समिति मेरिल्याण्ड च्याप्टरका निवर्तमान अध्यक्ष हुनुहुन्छ|)
0 comments :
Post a Comment