काठमाडौं । उपप्रधान तथा गृहमन्त्री वामदेव गौतमले राहत, उद्धार र पुनर्स्थापनमा सरकारले कुनै कसर बाकि नछाड्ने बताएका छन् । गौतमले भने, "बाहिर आरोप लगाएको सुनिन्छ तर त्यस्तो होइन।"
शुक्रबार ललितपुरको बुङमति र खोकनामा भूकम्पका कारण भएको क्षतिको अवलोकन गर्दै मन्त्री गौतलले उद्धार र राहतको काम सकिएकाले पुनःनिर्माण र पुनःस्थापनाको कामलाई सरकारले अगाडि बढाएको उल्लेख गरे । उनले नेपालमा आएको महाविपत्तीमा सबै एक भएर अघि बढ्नुपर्ने बताए ।
"सबैको आशा सरकार माथि छ," मन्त्री गौतमले आफ्नै मान्छेहरुले सरकारको आलोचना गरेको गुनासो गरे ।
मन्त्री गौतमले स्थानीयहरु छलफल गर्दै राहतका विषयमा जानकारी समेत लिएका थिए । ऐतिहासिक महत्व बोकेको बुङमति र खोकनामा अधिकांश पुराना घरहरुमा भूकम्पका कारण क्षति पुगेको छ ।
0 comments :
Post a Comment