काठमाडौ, जेष्ठ २९ - वैशाख १२ को महाभूकम्प लगत्तै नायिका केकी अधिकारी केही युवा कलाकारको समूहमा आबद्ध भएर राहत उद्दार तथा पुनर्निमाणमा खटिइन् । ‘वी फर अल’ कि सक्रिय सदस्य केकी आफ्ना दौंतरी कलाकारहरुसँग काँधमा काँध मिलाएर काभ्रे, नुवाकोट, धादिङ तथा दोलखासम्म पुगेर राहत वितरणदेखि अस्थायी घर निर्माण गर्ने काममा सक्रिय भइन् । पछिल्लो सयम केही गोरखामा हेल्थपोस्ट भवन बनाउने अभियानमा व्यस्त रहेको बताइन्छ ।
भूकम्पका कारण लाखौं नपाली घरबार बिहीन हुनुपरेकोमा दुखी केकी यत्रो विपत्तिमा पनि धीरता नगुमाउने नेपालीप्रति भने नतमस्तक छिन् । ‘हामी कसैले पनि हिम्मत हारेका छैनौं,’ केकी भन्छिन्, ‘हामी पुन: उठ्ने छौं ।’
भूकम्पको एक महिनापछि केही सामान्य जीवनसँगै व्यवसायीक काममा समेत फर्किइसकेकी छन् । भूकम्पअघि उनी ‘भाग सानी भाग’ नामक फिल्मको सुटिङमा व्यस्त थिइन् । यो फिल्ममा उनी शीर्ष भूमिकामा छिन् । यसमा उनले पहिलोपल्ट सवीन श्रेष्ठसँग अनस्क्रिन रोमान्स गर्दैछिन् । ‘यो फिल्मको सबै सुटिङ सकिएको थिएन, भूकम्पपछि सुटिङ गरेर पूरा गरिसकियो,’ उनले भनिन् ।
तस्बिरहरु : महेश प्रधान
श्रोत इ-कान्तिपुर
About Unknown
0 comments :
Post a Comment