एनआरएनको बैठक सफल बनाउन बाल्टिमोरमा भेला

बाल्टिमोर / एनआरएन अमेरिकाको नव निर्बाचित कार्य समितिको पहिलो औपचारिक बैठक मेरील्याण्ड राज्यको बाल्टिमोर शहरमा यहि जुन १३ गते शनिबार हुने भएको छ | सो अवसरमा स्थानिय समुदायसंग बृहत टाउन हल बैठक पनि गर्ने एन आर एन अमेरिकाले जनाएको छ | उक्त बैठकलाई भब्य र ब्यबस्थित बनाउनको लागि मेरिल्याण्डमा सक्रिय सामाजिक र राजनीतिक संघ संस्थाहरुले  ऐक्यबद्धता जाहेर गरेका छन् | बुधबार बाल्टिमोरको लुम्बिनी रेष्टुरेन्टमा भेला भएको थियो | उक्त भेलाले सबै संघ संस्थालाई समेटेर कार्यक्रम गर्ने निर्णय गरेको छ |

भेलाले  एनआरएन मेरिल्याण्डका अध्यक्ष जेदु पोखेरेलको संयोजकत्वमा मेरिल्याण्डका सबै संस्थाहरु सदस्य रहेको कार्यक्रम तयारी समिति गठन गरेको छ | साथै उक्त भेलाले समाजसेवी अर्जुन हमाल संयोजक रहेको आर्थिक समिति गठन गरेको भेला संयोजक जेदु पोखेरेलले द नेपाल टुडे  लाई बताउनुभयो | आर्थिक समितिमा नेत्र  के. सी. र सरोज पुरी सदस्य रहनु भएको छ | साथै भेलाले एनआरएनका संस्थापक उपाध्यक्ष तथा बरिष्ठ समाजसेवी डा. श्याम कार्कीलाई कार्यक्रम सल्लाहकारको जिम्मा दिईएको छ | कार्यक्रम बाेड अफ डाइरेक्टर  शिबराज पाैडेल र शुसिल रेग्मीकाे सकृयतामा हुन लागेकाे हाे ।

कार्यक्रमका अमेरिकाका लागि नवनियुक्त राजदुत डा. अर्जुन कार्कीलाई स्वागत गर्ने कार्यक्रम रहेको भेला संयोजक जेदु पोखेरेलले द नेपाल टुडे लाई बताउनु भयो | सोही दिनमा अमेरिकाको लागि नव नियुक्त राजदूत डा. अर्जुन कार्कीको प्रमुख आतिथ्यमा नेपाली मुलको अमेरिका मैं पहिलो मेरिल्याण्ड को  Indian Head नगरको नव निर्बाचित उप-नगर प्रमुख किरण सिटौला र अमेरिकी राष्ट्रपती ओबामाबाट नव नियुक्त पहिलो नेपाली मुलकी महिला (Asian and Pacific Islander Advisor to President of United States Barack Obama ) संजीता प्रधानलाई  सम्मान गर्ने कार्यक्रम समेत भएको कोअर्डीनेटर सर्बज्ञ वाग्लेले बताउनु भयो | यस अघि वाग्लेले एक प्रेस बिज्ञप्ति जारि गर्दै  मेरिल्याण्ड, भिर्जिनिया, वाशिंगटन डिसी, डेलावर र पेन्सिलभेनियामा बसोबास गर्नुहुने संपूर्ण नेपाली दाजुभाई तथा दिदीबहिनीहरुलाई उपस्थितीको लागी हार्दिक अनुरोध गर्नु भएको थियो।

कार्यक्रममा उपस्थित सबैलाई उपहार प्रदान गरिने छ | टाउन हल बैठकमा एनआरएनको आगामी कार्यक्रमका बारेमा व्यापक छलफल हुने र दुई बर्षे कार्य तालिका निर्माण गरिने कुरा एनआरएन उपाध्यक्ष रविना थापाले बताउनु भयो |

Share on Google Plus

About Unknown

We bring you the latest breaking news that are happening around the world. For daily news, celebrity gossips, scoops, scandals, sports news, crime news and many more, don't forget us to visit ... www.nepalhamro.com.