एनआरएन अमेरिकाको नवनिर्बाचित कार्यसमितिको पहिलो औपचारिक बैठक र बृहत टाउनहल मिटिंग सनिबार मेरिल्यान्डको बाल्टिमोर सहरमा बैठक र बृहत टा भएको छ |
झन्डै तीन सय नेपालीहरुका बीचमा यो कार्यक्रम सम्पन्न भएको एन आर एन अमेरिकाले जनाएको छ |
बैठकपछिको बृहत भेलामा भएको टाउन हल मिटिंगमा बोल्दै प्रमुख अतिथि राजदुत डा. अर्जुन कार्कीले देशलाइ आपद परेको बेलामा एनआरएनहरुको भूमिका उल्लेख्य हुने बताउनु भयो | "सरकारले जनतासंग सहयोगको याचना गरेको यो पहिलो पटक हो | सहयोग गर्नुहोस | यसलाई आफ्नो उपस्थिति देखाउने राम्रो अवसरको रुपमा प्रयोग गर्नुहोस् |"
"संसारका सारा संघ संस्थाहरुले नेपाल सरकार मार्फत सहयोग गरेका छन् | नेपालीहरु स्वयं आनाकानी गरिरहेका छन् ! किन?" राजदुत कार्कीले प्रश्न गर्नु भयो , " भन्नुहोस सरकारलाई कम्जोर बनाउदै गर्दा हामी पनि कमजोर हुदैनौं र ?"
आफु राजदुत हुने बित्तिकै यहाँका एनआरएनलाइ सम्झेको र मिलेर काम गर्न इच्छुक रहेको बताउनु भयो |
"भुकम्पपछि स्वतस्फुर्त रुपमा तपाइहरुले जे सहयोग गर्नुभयो त्यसको मुक्तकण्ठले प्रसंसा गर्दछु तर अब तपाइको सहयोग सरकारका मार्फत हुनै पर्दछ " ठुलो विपत्तिको लगत्तै सरकार अलमलमा परेको हो | संसारभर यस्तै हुन्छ | तर अब सरकार योजनाबद्ध तरीकाले अगाडी बढदै छ |" डा. कार्कीले हल्लाको भरमा सरकारको आलोचना गर्नु जायज नभएको भन्दै "राज्यलाई केहि दिनुस अनि मात्र आलोचना गर्नुस !" भन्नुभयो |
कार्यक्रममा बोल्दै महाबाणिज्यदुत प्रेमराजा महतले देश दुखेका बेला डायसपोरा पनि रोएको छ भन्नुभयो | "हरेक नेपालीले देशको लागि केहि ने केहि गरिरहेको छ" महतले भन्नुभयो, "यो काम गर्ने बेला हो, आलोचना गर्ने परे प्रसस्त समय बाँकि छ, पछि गरौला |"
उंहाले आफुले बिदेशी संघ संस्थासंग मिलेर सहयोग कार्यक्रममा सक्रिय रहेको पनि जानकारी दिनुभयो |
कार्यक्रममा बोल्दै एनआरएन अमेरिकाका अध्यक्ष डा. केशब पौडेलले आफुहरु सरकारलाइ सहयोग गर्न सधै तत्पर रहेको जानकारी दिनुभयो | "तत्काल गर्नुपर्ने राहत कार्यक्रममा मानवीयताका हिसाबले सरकारसंग तालमेल गर्न सकिएन तर अब पुनर्निर्माणका कार्यक्रममा सरकारसंग हातेमालो गरेर नै आगाडी बढ्ने प्रतिबद्धता ब्यक्त गर्दछु |" डा. पौडेलले भन्नुभयो |
सो अबसरमा नव नियुक्त राजदुत कार्की, मेरिल्याण्डको Indian Head नगरको नव निर्बाचित उप-नगर प्रमुख किरण सिटौला र अमेरिकी राष्ट्रपती ओबामाबाट एसियन प्यासिफिक आइल्यांदर सल्लाकार नियुक्त नेपाली मुलकी महिला संजीता प्रधानलाई सम्मान गरिएको थियो |
कार्यक्रममा निबर्तमान अध्यक्ष खगेन्द्र जी. सी., निर्बाचन प्रमुख बिनोद रोका, बरिष्ठ उपाध्यक्ष कृष्ण पोख्रेल, उपाध्यक्ष ... डिल्लि भट्टराई, मेरिल्याण्डका अध्यक्ष जेदु पोखरेल, भर्जिनियाका अध्यक्ष मुक्ति दवाडी लगायतले बोल्नु भएको थियो |
About Unknown
0 comments :
Post a Comment