गएको सनिबार म घर मै थिएँ | मेरो कोठा तेस्रो तल्लामा छ | तर म भुई तल्लामा रहेको जेठानको कोठामा थिएँ | हल्का भुई हल्लियो | हामीलाई भुकम्प गयो भन्ने भयो | भुकम्प जापानमा सामान्य हो | गईरहन्छ | सनिबार पनि गयो |अरुबेला अलि सानो र थोरै हल्लाउथ्यो | सनिबार अल्लि बढी हल्लायो | एकमनले त भागौं भन्ने सोचे | तर भागिएन |
म बस्ने भवन मा झन्डै पचास परिवार नेपाली छौं | लगभग तिन सय जना नेपाली | कोहि कोहि भाग्नु पनि भएछ | सायद माथिल्लो तल्लामा बढी हल्लाएर होला | उसो त जापानमा भुकम्प आयो भने भाग्ने चलन छैन | त्यस्तो बेलामा केहि समान नखस्ने ठाउमा नचली बस्नुपर्छ भन्ने ज्ञान सबैलाइ छ |
हामीले नेपालको भुकम्पको समाचार देख्दा देख्दा दिक्क भएको बेलामा यो भुकम्प गयो | नेपालमा भन्दा ठुलो भुकम्प गएको थियो | तर क्षति भने केहि भएन | कस्तो अचम्म ! सबैजना त्यही भन्छन | शुरुमा त केहि जस्तो लागेन | जब माथि कोठामा गएँ मान्छेहरु देखिन | अल्लि बढी हल्लाएकोले तल्लो तल्लामा झर्नु भएको रहेछ | नेपालको डरलाग्दो चित्रले गर्दा पनि होला उहाँहरुलाई भाग्न मन लागेको | बिस्तारै मलाई पनि डर लग्यो | मैले पनि नेपाल सम्झे | ऒहो ! यहाँ पनि तेस्तै बिनाश भएको भए ? म त बाच्ने थिइन | किनकि भुकम्पको शक्तिका हिसाबले यो नेपालको भन्दा पनि ठुलो पो हो त | यो भुकम्प शक्तिशाली थियो भन्ने कुरा पनि पछि फेसबुक र समाचार हेरेर थाहा पाएको हुँ | पछि साथीभाईहरुसंग कुरा भयो | सबैजना सकुशल
रहेछन |
यत्ति ठुलो भुकम्प गएपछि पनि जापानको जनजीवनमा खाशै ठुलो असर परेन | सबै जना उस्तै दुरुस्तै | एउटा पनि भवन भत्केन| एकजना मान्छे मरेनन | मात्र आधा घण्टाका लागि ट्रेन सेवा बन्द भयो | आखिर भूकम्पको झड्का त उही हो | मात्र यहाँ भुकम्प निरोधि घरहरु छन् | सुन्नेलाई पत्यार लाग्दैन | यहाँका घरहरु दाँया बाँया पिङ्ग झै हल्लिएको कुरा पहिलो पटक त देख्नेलाई पनि पत्यार लाग्दैन | पचास तल्ले र सय तल्ले घरहरुको हालत हेर्दा अचम्मको नै हुन्छ |
मानिसहरु सबै तालिम प्राप्त हुन्छन | स्कुल देखि नै भुकम्पका असरबाट कसरी जोगिने भन्ने बारेमा तालिम दिईएको हुन्छ | बिदेशीहरुलाई पनि बेला बेलामा तालिम को ब्यबस्था हुन्छ | त्यसैले त त्यत्रो भुकम्पमा पनि कुनै भागदौड हुदैन | भवनहरु देखि सारा संरचना भूकम्पीय जोखिमलाई मध्यनजर गरेर बनाइएको हुन्छ |
जसरि जापानमा बेलाबेलामा भुकम्प जान्छ भन्ने छ त्यसरी नै नेपालमा साठी देखि अस्सी वर्षको बिचमा एउटा ठुलो भुकम्प जान्छ भन्ने प्रमाणित नै छ | तर हाम्रो नीति निर्माताहरुको चरम लापरबाहीका कारण हामीले हरेक पटक ठुलो मूल्य चुकाउनु परेको छ | गल्तिबाट पाठ सिक्ने होइन झन् ढाकछोप गर्ने हाम्रो बानीले नै हाम्रो प्रगति नभएको हो |
एक महिनाको अन्तरमा जापान र नेपालमा गएको भूकम्पले एउटा संदेश दिएको छ - भूकम्पका कारणले मात्र जनधनको क्षति हुदैन | त्यसमा मान्छेको लापरबाही पनि उत्तिकै जिम्मेबार छ |
हिराचनको घर नेपालको पोखरा हो | हाल उनी जापानमा छन् | द नेपाल टुडेका एक सदस्य हुन् |
0 comments :
Post a Comment