काठमाडौं, १२ असार
नक्कली लालपुर्जा धितो राखी कर्जा प्रवाह गरेको आरोपमा पक्राउ परेका मनकामना बैंकका तत्कालीन अध्यक्ष सीताराम प्रसाईंसहित तीनजनालाई अदालतले पुर्पक्षका लागि थुनामा राख्ने आदेश दिएको छ । प्रसाईंसहित पूर्वमहाप्रबन्धक तुलसी उप्रेती र कर्जा विभाग प्रमुख कञ्चन पराजुलीलाई पुर्पक्षका लागि थुना राख्न काठमाडौं जिल्ला अदालतले आदेश दिएको हो ।
तत्कालीन अध्यक्ष सञ्जीव पन्त भने ३५ लाख रुपैयाँ धरौटीमा छुटेका छन् । अदालतको आदेशसँगै पराजुली र उप्रेती जेल चलान भएका छन् भने प्रसाईं बिरामी भएको भन्दै अस्पताल भर्ना भएका छन् । पक्राउ परेलगत्तै उनी हिरासत छल्न अस्पताल भर्ना भएका हुन् ।
महानगरीय प्रहरी परिसर काठमाडौंले प्रसाईंसहित १४ जनाविरुद्ध ठगी र सरकारी दस्तखत छाप कीर्ते मुद्दा चलाएको थियो । उनीहरूले कीर्ते कागजपत्रका आधारमा बैंकबाट २ करोड ७२ लाख रुपैयाँ कर्जा निकाली दुरुपयोग गरेका थिए ।
प्रहरीले गत २१ जेठमा प्रसाईंसहित पराजुली र उप्रेतीलाई पक्राउ गरेको थियो भने २४ जेठमा पन्त पक्राउ परेका थिए । प्रसाईं तत्कालीन नेपाल घरेलु तथा साना विकास बैंकका अध्यक्ष थिए । यस्तै, उप्रेती महाप्रबन्धक, पराजुली क्रेडिट विभागका प्रमुख र पन्त उपप्रमुख थिए ।
महानगरीय प्रहरी परिसर काठमाडौंले प्रसाईंसहित १४ जनाविरुद्ध ठगी र सरकारी दस्तखत छाप कीर्ते मुद्दा चलाएको थियो । उनीहरूले कीर्ते कागजपत्रका आधारमा बैंकबाट २ करोड ७२ लाख रुपैयाँ कर्जा निकाली दुरुपयोग गरेका थिए ।
प्रहरीले गत २१ जेठमा प्रसाईंसहित पराजुली र उप्रेतीलाई पक्राउ गरेको थियो भने २४ जेठमा पन्त पक्राउ परेका थिए । प्रसाईं तत्कालीन नेपाल घरेलु तथा साना विकास बैंकका अध्यक्ष थिए । यस्तै, उप्रेती महाप्रबन्धक, पराजुली क्रेडिट विभागका प्रमुख र पन्त उपप्रमुख थिए ।
प्रहरीले बैंकका तत्कालीन कर्मचारीहरू बद्रीगोविन्द श्रेष्ठ, सन्तोष श्रेष्ठ, जंगबहादुर श्रेष्ठ, बिबी गुरुङ, पुरुषोत्तमप्रसाद शर्मा, कैलाशभक्त कारंजितकार र वासुदेव गिरीविरुद्ध पनि मुद्दा चलाउन सिफारिस गरेको छ । कीर्ते कागजपत्रका आधारमा ऋण लिने चन्द्रकला राई र होसियारप्रसाद गुरुङ तथा धितो मूल्यांकनकर्ता प्रमोदबहादुर थापा पनि बैंक ठगीमा संलग्न देखिएकाले मुद्दा चलाइएको थियो । तर, उनीहरू फरार छन् ।
१० वर्षअघि उनीहरूले कीर्ते कागजपत्र बनाएर कर्जा प्रवाह गरेका थिए । ७ मंसिर २०६२ मा उनीहरूले एचके इन्टरप्राइजेजका नाममा दुई करोड ७२ लाख रुपैयाँ कर्जा प्रवाह गरेका थिए । उक्त कर्जाबापत राखिएको जग्गाको लालपुर्जा नक्कली थियो ।
नयाँ बसपार्कमा तीनतले भवन बनाउने भन्दै उनीहरूले ऋणी खडा गरी नक्कली कागजपत्र बनाएर कर्जा प्रवाह गरेका थिए । त्यसअघि पनि उनीहरूले अनियमित रूपमा करोडौँ रुपैयाँ कर्जा लिएको अनुसन्धानमा खुलेको थियो ।
कागजपत्र मिलाएर उनीहरूले कर्जा दुरुपयोग गरेका कारण बैंकले करोडौँ घाटा बेहोरेको थियो । उनीहरूमाथि कारबाही गर्न मनकामना डेभलपमेन्ट बैंकले प्रहरीमा जाहेरी दिएको थियो । पक्राउ गर्न बैंकको नयाँ सञ्चालक समितिले निवेदन दिए पनि राजनीतिक संरक्षणका कारण उनीहरू उम्किँदै आएका थिए ।
कागजपत्र मिलाएर उनीहरूले कर्जा दुरुपयोग गरेका कारण बैंकले करोडौँ घाटा बेहोरेको थियो । उनीहरूमाथि कारबाही गर्न मनकामना डेभलपमेन्ट बैंकले प्रहरीमा जाहेरी दिएको थियो । पक्राउ गर्न बैंकको नयाँ सञ्चालक समितिले निवेदन दिए पनि राजनीतिक संरक्षणका कारण उनीहरू उम्किँदै आएका थिए ।
नेपाल राष्ट्र बैंकले पनि केही वर्षपहिले नै प्रसाईंलगायतलाई कारबाहीका लागि पत्राचार गरेको थियो । प्रसाईंलाई कारबाही गर्न काठमाडौं प्रहरीलाई अख्तियार दुरुपयोग अनुसन्धान आयोगले समेत पत्राचार गरेको थियो । उनलाई पक्राउ गरेपछि देशका ठूला नेताहरूले समेत चासो राख्दै प्रहरीलाई फोन गरेका थिए । दबाबकै कारण प्रहरीले दुई साता नबित्दै मुद्दा बुझाएको हो ।
उनीहरूविरुद्ध प्रहरीले बैंकिङ कसुर मुद्दा पनि चलाउन सिफारिस गरेको छ । तर, अपराध भएका वेला बैंकिङ कसुरसम्बन्धी ऐन नआएकाले उक्त मुद्दा चल्ने नचल्नेमा सरकारी वकिल कार्यालयले निर्णय गर्नेछ । एचके इन्टरप्राइजेजको नाममा उनीहरूले कर्जा प्रवाह गरेका थिए ।
भवन निर्माणका लागि कर्जा प्रवाह गरिए पनि अन्यत्रै खर्च गरेर उनीहरूले कर्जा दुरुपयोग गरेका थिए । यसअघि २०७० साल मंसिरमा अख्तियार दुरुपयोग अनुसन्धान आयोगले प्रसाईंसहित पाँचजनालाई पक्राउ गरी विशेष अदालतमा भ्रष्टाचार मुद्दा दायर गरेको थियो । मनकामना बैंक पछिल्लो समय अन्य तीन संस्थासँग मर्ज गरी ‘क’ श्रेणीको वाणिज्य बैंक बन्ने क्रममा छ ।
0 comments :
Post a Comment