२२ जेठ, ललितपुर । एकीकृत माओवादीका नेता डा. बाबुराम भट्टराईले राष्ट्रिय सहमतिको सरकारका लागि आफ्नो पार्टीले कुनै व्यक्तिको बारेमा नसोचेको बताएका छन् | भट्टराईले भने, " पार्टीले एमाले अध्यक्ष केपी ओलीलाई प्रस्ताव गरेको छैन |"
एमाओवादीले ओलीलाई समर्थन गर्ने चर्चा चलिरहेकाबेला ललितपुरको सानेपास्थित निवासमा शुक्रबार सञ्चारकर्मीसंग कुरा गर्दै भट्टराईले यस्तो बताएका हुन् । उनले भने, ‘दल विशेषको नेतृत्वबारे प्रस्ताव गरिएको छैन, केपी ओलीलाई एमाओवादीले प्रधानमन्त्री बनाउन लागेको भन्ने कुरा गलत
हो ।’
संविधान निर्माणमा सहमति गरी राष्ट्रिय सरकार बनाउनु पर्ने उनले दोहोर्याए । राष्ट्रिय सरकार गठन पछि भूकम्पपछि भएको भौतिक क्षतिको पुनर्निर्माणमा सहयोग पुग्ने उनको भनाइ थियो ।
पुनर्निर्माण प्राधिकरणको नेतृत्वबारे सन्चारकर्मीको जिज्ञासामा भट्टराईले प्राधिकरणमा आफूले कुनै दावी नरहेको स्पष्ट पारे ।
0 comments :
Post a Comment