-एल कार्की-
वैशाख १२ को भूकम्पको केन्द्रबिन्दु रहेको गोरखामा अहिले स्वदेशी तथा विदेशी गैरसरकारी संस्थाहरु (एनजिओ र आइएनजिओ)को बाक्लो उपस्थिति छ। राहत र पुनर्निर्माण को लागि आएका यस्ता संस्थाहरु राहत वितरणमा संलग्न पनि भएका छन्। अल्पकालीन रुपमा यस्ता संस्थाबाट केही सहायता मिले पनि दीर्घकालीन असर छाडेर जाने निश्चित देखिन्छ। अहिले नै केही विकृति देखिन थालिसकेको छ१) गाडी भाडा
भूकम्पअघि एक दिनको गाडीभाडा रु. ६ हजारदेखि ८ हजार रहेकोमा हाल सबैजसो गैर सरकारी संस्थाले रु. १५ हजारसम्म गाडीभाडा दिएर चलाउन थालेका छन्।
भूकम्पअघि एक दिनको गाडीभाडा रु. ६ हजारदेखि ८ हजार रहेकोमा हाल सबैजसो गैर सरकारी संस्थाले रु. १५ हजारसम्म गाडीभाडा दिएर चलाउन थालेका छन्।
गोरखा बजारमा अन्य पसलेहरुले सामान ढुवानी तथा अन्य कामको लागि ट्रक र जिप पाउन हम्मे परेको छ। पाइ हाले पनि यिनै एनजिओ र आइएनजिओहरुले तिरे बराबर रकम तिर्नुपर्ने बाध्यता छ। यी एनजिओ आइएनजिओहरु सँधै रहने त हैनन् तर गाडी भाडा तथा महंगी छोडेर जाने भए। केही गाडीवाला साहुहरुलाई फाइदा त भएको होला तर सर्वसाधारणले यो सँधै तिर्न सक्लान्?
२) घर भाडा
अर्को समस्या घरभाडा को हो। रु.२ हजारदेखि ३ हजारसम्म पर्ने कोठा भाडा हाल रु. ८ हजार पुगेको छ। ३ — ४ कोठा भएको फल्याट को रु. २५ हजारदेखि ३० हजारसम्म दिइरहेका छन्।
अर्को समस्या घरभाडा को हो। रु.२ हजारदेखि ३ हजारसम्म पर्ने कोठा भाडा हाल रु. ८ हजार पुगेको छ। ३ — ४ कोठा भएको फल्याट को रु. २५ हजारदेखि ३० हजारसम्म दिइरहेका छन्।
घरबेटीले डेरावाल निकाल्ने मात्र नभई आफै टहरा बनाई घर नै भाडामा दिने क्रम बढ्दो छ। जग्गा भएका त टहरामा जालान् डेरावाला कहाँ जाने?
३) खेतबारी बाँझै
डलरले गोरखा बजारमा हरियाली बढाएको छ। धेरै नेपालीको हातमा डलर देखिन्छ। लाग्छ नेपालीले नेपालमै डलर कमाउन थालेका छन्। तर खेतबारी त बाँझै देखिन्छ। गोराको डलरले नेपाली अल्छीको पाटे हुने भए।
डलरले गोरखा बजारमा हरियाली बढाएको छ। धेरै नेपालीको हातमा डलर देखिन्छ। लाग्छ नेपालीले नेपालमै डलर कमाउन थालेका छन्। तर खेतबारी त बाँझै देखिन्छ। गोराको डलरले नेपाली अल्छीको पाटे हुने भए।
यस्तो चरम महँगी बढाउँदा पनि प्रशासन कानमा तेल हालेर बसेको छ। गोराको पैसा हो सकेको बेलामा र पाएको बेलामा खाँदा फरक पर्दैन भनेर होला। तर सरकार, गोरा त सँधै बस्दैन होला? बसे पनि नेपालीले उनीहरु जति रकम तिर्ने औकात राख्दैनन् होला। कि सरकारले नेपालीको औकात बढाइदिने हो? कि गोरखामा गोरा आएपछि नेपाली बस्नै पर्दैन?
गाडीभाडा र घरभाडामा बेलैमा निगरानी नगरे भूकम्पले भन्दा धेरै मान्छे पाल र टहरामा पुग्नेछन्। अनि नेपाल पाल नै पाल को देश हुनेछ है।
साभार: माईसंसारडटकम
0 comments :
Post a Comment