बुटवल । सिद्धार्थ राजमार्ग अन्तरगत बुटवल–पाल्पा सडक खण्डमा पर्ने माथिल्लो सिद्वबाबा नजिकै माथिबाट खसेको ढुंगाले च्यापेर २ जनाको मृत्यु भएको छ । २ जना घाइते भएका छन् ।
प्रहरीका अनुसार मृत्यु हुनेमा पाल्पा प्रवासको लुम्बिनी मेडिकल कलेजका प्रोफेसर यसोदा कोचर र उनका श्रीमान तरुनदीप कोचरको मृत्यु भएको हो । यसोदा आँखा र तरुनदीप प्रसुति विशेषज्ञ हुन् । कलेजकै डा जर्नल निकरानी र तेरिक देवकोटा घाइते भएका छन् ।
बुधबार दिउसो साढे चार बजेतिर खसेको ठूलो ढुंगाले लुम्बिनी मेडिकल कलेजको पीकअप जीप थिचेको हो ।
पाल्पातिरबाट बुटवल तर्फ आउदै लु १ ज २७० नम्वरको जिपमाथि ढुगा खसेर जिपमा सवार २ जनाको ज्यान गएको हो । पहिरोमा पुरिएर घाइते भएका दुइ जनाका अहिले सिटी अस्पताल बुटवलमा उपचार भै रहेको छ ।
तस्विर भिडियो : सी पी खनाल / समाचार स्रोत: लुम्बिनी टाईम्स
0 comments :
Post a Comment