प्रवेश उप्रेती
अमेरिकामा पनि भालु पहाड रहेछ भन्ने थाहा पाएपछि नै मलाई त्यहाँ जाने इच्छा लागेको थियो | त्यो पनि मा बस्ने ठाउँबाट नजिकै रहेछ | यो कुरालाई मैले साथीभाईहरुसंग भने |
नेपालमा पनि भालु पहाड नामका केहि पहाडको बारेमा सुनेको हो | हाम्रो पाल्पा कौडे लेक छ | पोखरा जाने बाटोमा स्यांग्जामा पनि भालु पहाड छ | पाल्पाबाट पोखरा आउदा जादा त्यो भालु पहाडको कोखबाट धेरै पटक हिडियो | टुप्पासम्म जाने अवसर पाईएको थिएन | अमेरिकाको भालु पहाडमा जाने अवसर किन गुमाउने ? भनेर सोच्न थाले | साथीभाईहरुसंग कुरा चल्न थाल्यो कि यो समरमा त्यही पहाडमा पिकनिक जाने भनेर |
एक हप्ता अगाडी (bear mountain) अर्थात् भालु पहाडमा पिकनिक जाने प्रस्ताब गरेपछि सबैजना मेरो घरमा आउनु भयो | त्यही बसाईमा सबैले आफ्नो आफ्नो मन पर्ने खाना लियर जम्मा हुने पक्का भयो |
स्ताम्फोर्डका मेरा मित्रहरु सुरेश कोइराला, दीपक ज्ञवाली र मंजु भुसाल बिशेष परिस्थितिक कारण चाहेर पनि समाबेस हुन् नपाउदा फोनबाटै भालु पहाडको पिकनिकको शुभकामना दिनु भो | बाकी मेरा सुभचिन्तक साथीहरुको कामको व्यस्तता मै हुनुहुन्थ्यो |
आईतबारको त्यो दिन बिहान सबै जना ब्यस्त भयौं | हतार हतार भयो सबै जनालाई |
यतिकै बिहान भयो मेरी श्रीमतिलाई पाल्पाली अचार चुकाउनि र नास्ता बनाउने हतारमा देखिन्थिन | बल्लबल्ल ७ बजे सबै तयार भयो |
नेपाली टाईम भयर होला ७ बजिसक्यो नोर्वाल्कका मित्रहरुको अतोपत्तो थियन | नारायण खनाल जीलाई फोन गरि सोधे र छिटो आउन आग्रह गरें, प्रमिला अधिराकीले पिकनिकको लागि बिशेष खाना बनाउदै गरेको बताउनु भो | उता अर्का साथी तेज र सुमित्रा कुमारी पनि निकै उत्साहित हुदै आज भालु पहाडमा ग्रान्ड पिकनिक हुने भो भन्दै हुनुहुन्त्यो | तर यता श्याम प्रकाश र साधनालाई पनि फोन बाट छिटो आउने भनेपछि बल्ल साढे ९ बजे मेरो घरमा जम्मा भैयो |
बल्ल बल्ल ३ ओटा गाडीमा हामी १५ जनाको टिम जंगलको बाटो हुदै भालु पहाडको फेदीमा पुग्नु अगाबै प्रकाश कडेल र नारायण खनाल बाटो मै नाचेर केहि रमाइलो गराए | यतिकैमा उता मिल्फोर्ड बस्ने मेरो साथी घनेन्द्र ढकाल र रोमा ढकाल पनि भालु पहाडको टुप्पामा beverage , drink सहित पहिले नै ठाउं रिजर्ब गरेर हामीलाई टुप्पो मै बोलाउदै थिए | यता तल पहाडको फेदतीर अमृत अर्याल एकै छिन् हराउनु भो | खोज्दा खोज्दा हैरान | उता प्रकाश कडेल, नारायण खनाल, श्याम गिरि, तेज गिरि अनि म सबैले स्पेनिशको DJ पार्टीम़ा डान्स गर्ने अपुर्ब अवसर पायौं | स्पेनिशहरु पनि मख्ख !
त्यहाँबाट पन्ध्र मिनेट ड्राईभ गरेपछि भालु पहाडको टुप्पोम़ा करिब २० जनाको सहभगिताम़ा
हरियो पहाडको अबलोकन अनि चिसो हावा ! कता कता नेपाल मै कतै भय जस्तै अनुभव सबैले गर्नु भयो | hiking गर्नेहरु पनि हाम्रो सामाजिक एकता देख्दा रमाइलो मानी हामीसंगै फोटो सेसन गरेका थिए |
अमृत अर्याल र घनेन्द्र ढकाल जी ले हाम्रो सामाजिक एकताको सस्कार बारे जानकारी गरैरहदा हाम्रो ति खैरेहरु हाम्रो प्रसंसा गर्दै थिए | यसरी बेलुका ७ बजेसम्म नाच्यौं, गायौं र रमायौ | बच्चाहरु पनि निकै खुशी थिए |
यसरी सामाजिक कार्यक्रमले सबैलाई खुशी मात्रै दिदो रहेछ | धेरै दिन भेट्न नपाएका साथीभाईसंग भेट हुदो रहेछ | अझ राम्रो कुरा नचिनेका साथीभाईसंग चिन्ने र नजिक हुने अवसर प्राप्त हुदों रहेछ | आफ्नो सस्कृति जोगाउदै हामी बीच एकता हुने हुदा यस्तो भेला बेला बेलामा गर्न हामि सबै सहमत भयौं |
अमेरिकी भालु पहाडको यात्रा र समर पिकनिक रमाइलो र सम्झनायोग्य भएकोमा हामी सबै दङ्ग छौं |
(प्रवेश उप्रेती यहि क्षेत्रमा सक्रिय युवा हुन् | सम्पादक |)
0 comments :
Post a Comment