रामकुमार श्रेष्ठ
नवलपरासी । बालकको बली दिने अभियुक्तहरुलाई नवलपरासी प्रहरीले शनिबार सार्वजनिक गरेको छ । जिल्ला प्रहरीले नवलपरासीको कुडिया–४ बस्ने बर्ष ३५ का कोदई हरीजन, बर्ष ५० का गँगा हरीजन , ५० बर्षका कारुदल हरीजन , बर्ष ३२ का सुर्यभान हरीजन र बर्ष १८ का बिजय हरजिनलाई पक्राउ गरी सार्वजनिक गरेको छ ।
आफ्ना १८ बर्षीय छोरा पटक पटक विरामी हुने गरेकोले निको पार्न १० बर्षीय बालकलाई बलि दिएको मुख्य अभियुक्त कोदाई हरिजनले स्वीकार गरेका छन् ।
कोदाई हरिजनले स्थानीय शिव शरण कोहारका १० बर्षीय छोरा जीवन कोहारलाई मार्नका लागि रुदल हरिजन, सूर्यभान हरिजन लगायतलाई ५० हजार रुयैयां दिएर सहयोग लिएको समेत स्वीकार गरेका छन् ।
पक्राउ परेका मध्ये पांच जना विरुद्ध मुद्दा चलाई अनुसन्धान शुरु गरेको जिल्ला प्रहरी कार्यालय नवलपरासीका प्रहरी उपरीक्षक नलप्रसाद उपाध्यायले बताए ।
बालक कोहार घटनाको दिन सूर्यभान हरिजनको घर आंगन र बाटोमा खेलिरहेको अवस्थामा कोदाई हरिजनले स्थानीय पसलबाट १० रुपैयांको विस्कुट खान दिई ५० रुपैयां दिन्छु भनि ललाई फकाई घर लगेर घांटी रेटी बलिदिई झाडीमा लगेर फालेको प्रहरीले जनाएको छ ।
कोदईले कुडिया गाविस रेता नजिकैको मन्दिर छेउमा बालक जिबन कोहारलाई बली दिएको प्रहरी समक्ष बताएका छन् । बालक जिबन हरीजनलाई बिस्कुट दिएर पछि अरु पैसा दिने लोभ देखाई मर्चहवा लगेर ३ जनाले समातेको र कोदईले घरेलु हतीयार गडसाले घाँटी रेटेर हत्या गरेको प्रहरी समक्ष बताएका छन् । लामा धामी गँगा हरीजनले बालकको बली दिएमा छोरा निको हुने बारम्बार बताएपछि कोदई हरीजनले बालकको बली चडाएको बताए ।
लुम्बिनी टाईम्सबाट
0 comments :
Post a Comment