तनहुँको भिमाद पुख्यौली घर भई हाल अमेरिकाको भर्जिनिया स्थित हर्डन हाइस्कुलमा कक्षा १२ मा पढ्दै गरेकी स्मृती सुवेदी उदाहरणीय पात्र बन्न पुगेकी छन् । यस अर्थमा स्मृती उदाहरणीय पात्र बन्न पुगेकी छन् कि उनले आफू पढ्ने स्कुलका शिक्षक तथा विद्यार्थीहरुबाट संकलन गरेर नेपालको विभिन्न क्षेत्रमा सहयोग गरेकी छन् । खासगरी स्मृती ले भूकम्प प्रभावित क्षेत्रमा गएर भूकम्पपीडित हरुलाई सहयोग गरेकी छन् । यसै सिलसिलमा स्मृतीले मंगलबार व्यास –६ चिन्तुटार स्थित शुक्र निम्न माध्यमिक विद्यालयका ४० जना बालबालिकाहरुलाई ४६ हजार बराबरको विद्यालय पोशाक तथा शैक्षिक सामाग्री वितरण गरेकी छन् । आफ्नो अध्ययनको विषयमा चिन्ता र चासो लिनु पर्ने उमेरकी स्मृती ले भूकम्पप्रभावित क्षेत्रका बालबालिकाको शैक्षिक विषयमा जुन चिन्ता र चासो जाहेर गरेर सहयोग गरेकी छन् ।त्यो निकै नै सह्रानीय छ ।
किनकि स्मृतीको यो कार्यले विदेशीएका अन्य युवा पुस्तालाई समेत आफ्नो जन्मभूमि प्रति केही गर्नुपर्दछ भन्ने सन्देश दिएको छ । विदेशीएका पछिल्लो पुस्तालाई हेर्ने हो भने अधिकांश युवा र युवती विदेशको रंगिन दुनियाँमा भुलेको पाइन्छ । त्यसमा पनि युरोप र अमेरिका जाने युवा युवतीको कुरै नगरौं । उनीहरु त नेपालको नाम समेत लिन चाहदैनन । तर स्मृती भने आफ्नो जन्मभूमिलाई सम्झिएर हातहरु फैलाइ रहेकी छन् ।यसले अवश्य पनि एउटा सकारात्मक सन्देश दिईरहेको छ ।
अर्कोकुुरा सामाजिक क्षेत्रमा पाइला चाल्न लागेकी स्मृतीलाई उनका बाबु गोविन्द र आमा सुशिलाले जुन हिसाबले सहयोग गरिरहेका छन् ।त्यसलाई समेत उनीहरुको महानता मान्नुपर्दछ । किनकि बाबु आमाको सहयोग बिना कुनै पनि बालबालिका एककदम अगाडि निकै कठिन हुन्छ ।तसर्थ स्मृतीले चालेको अभियानमा सर्मथन गर्ने स्मृतीका बाबुआमा समेत धन्यवादका पात्र बन्न पुगेका छन् । आशा गरौ, सामाजिक क्षेत्रमा स्मृतीका पाइलाहरु अझै अगाडि बढ्दै जाने छन् ।
0 comments :
Post a Comment