एनआरएन केन्द्रिय समितिको आगामी निर्वाचनलाई ध्यानमा राखेर उमेद्वारी घोषणा गर्ने क्रम धमाधम चलिरहेको छ |
यसै क्रममा एनआरएन केन्द्रिय समितिका महासचिव कुमार पन्तले उपाध्यक्ष पदमा आफ्नो उमेद्वारी घोषणा गरेका छन् |
पन्त युरोपका चर्चित युवा व्यावसायी हुन् | समाजसेवी कुमार पन्तले आगामी अक्टोबरमा सम्पन्न हुने गैर आवासीय नेपाली संघको सातौं अन्तराष्ट्रिय महाधिवेशनमा उपाध्यक्ष पदका लागि उम्मेद्वारी दिने घोषणासंगै प्रचार प्रसारमा तिब्रता ल्याएका छन् ।
मंगलबार मात्रै प्रेस विज्ञप्ती जारी गरेर उनले उपाध्यक्षको उम्मेदवार हुने घोषणा गरेका हुन् ।
बर्तमान महासचिव पन्त गैर आवासिय नेपाली संघको अभियानमा लामो समयदेखि आवद्ध छन् | उनले स्थानीय संयोजक , अन्तराष्ट्रिय परिषद सदस्य, युरोप संयोजक हुँदै महासचिव जस्तो महत्वपूर्ण पदमापुगेका हुन । उनलाई सफल र कुशल महासचिवका रुपमा पनि हेर्ने गरिएको छ |
उम्मेद्वारी घोषणापछी पन्तले गैरआवाशिय नेपालीहरुको भूमिका अझ फराकिलो भएको भन्दै आफ्नो लामो अनुभवलाई नेपाल र नेपालीका हीतमा लगाउन नयाँ जिम्मेवारी लिने सोचमा पुगेको द नेपाल टुडेसंगको कुराकानीमा बताउनु भयो |
"संघको निरन्तरको दवाव र छलफलका कारण नेपालको संबिधान २०७२ मा एनआरएनहरुका लागि गैरआवाशिय नगरिकता समावेश हुँदा खुशी र गर्वको अनुभूति भएको छ" पन्तले भने, " हामी बोलीमा होइनस्वदेशका लागि काम गरेर देखाउन आतुर छौं ।"
भुकम्पले तहसनहस पारेको नेपालको पुनर्निर्माण आफ्नो पहिलो प्राथमिकता हुने पनि पन्तले बताएका छन् ।
मध्यपूर्वमा नेपाली श्रमिकहरुले भोगिरहेका समस्याका बारेमा गतिलो कार्यनिति बनाउनु आफ्नो अर्को एजेण्डा भएको पन्तको भनाई छ |
पन्तले लामो समयदेखि संघको विभिन्न पदमा रहेर सक्रियताका साथ काम गरिरहेका छन् | विश्वका ७१ देशमा फैलिएको एनआरएनलाई आजको अवस्थामा ल्याउने धेरै अभियन्तामध्ये पछिल्लो समय पन्तको सक्रिय भूमिकाले पनि काम गरेको धेरैको विश्वास छ ।
0 comments :
Post a Comment