मासुको प्रयोग रोक्न तथा जनावरमाथिको अत्याचार रोक्न माग गर्दै शनिबार फ्रान्सको राजधानी पेरिसमा अनौठो प्रदर्शन भयो । सयौँ जनावर अधिकारकर्मीहरु पेरिसको मुख्य चोकमा भेला भएर अर्धनग्न भई रगतमा लतपतिए ।
अर्धनग्न मानिसलाई काट्नको लागि सडकमै मानव बधशाला खडा गरियो । भलै त्यो बधशाला तथा रगत सक्कली थिएन, नक्कली थियो । तर उनीहरुले दिनखोजेको सन्देश चाहीँ खाँटी सक्कली थियो ।
मासु हटाउने विश्व सप्ताह अर्थात् वल्र्ड विक्स फर दी एबोलिसन अफ मिट को अवसरमा सेप्टेम्बर २६ मा २६९ लाइफ नामक जनावर अधिकारवादी संस्थाले पेरिसको प्लेस डु प्यालेस रोयल चोकमा खडा गरिएको खुल्ला मानव बधशालाका दृश्यहरु साँच्चीकै डरलाग्दा थिए । एकजना अर्धनग्न मानिसलाई ख’ट्टामा डोरीले बाँधेर उभिन्डो पारी झुण्डाइएको थियो अनि दुइजना बुच्चडले उसलाई काट्न लागेझैँ अभिनय गरेका थिए ।
स्मरण रहोस् मासु विरुद्धको विश्व सप्ताह हरेक वर्ष जनवरी, मे तथा सेप्टेम्बर महिनाका अन्तिम हप्तामा मनाइने गरिएको छ ।
About Unknown
0 comments :
Post a Comment