प्रधानमन्त्री सहित आठ मन्त्रीले सोमबार राष्ट्रपति डा रामवरण यादवले समक्ष पद तथा गोपनीयताको सपथ लिएपछि आठ सदस्य रहेको नयाँ मन्त्रिमण्डल गठन भएको हो ।
राष्ट्रपति डा यादवले प्रधानमन्त्री ओलीको उपस्थितिमा उपपधानमन्त्रीको रुपमा कमल थापा र विजयकुमार गच्छदारलाई पद तथा गोपनीयताको शपथ गराए । नवनियुक्त उपप्रधानमन्त्री थापा राष्ट्रिय प्रजातन्त्र पार्टी नेपालका अध्यक्ष हुन् । थापा संविधानसभाको दोस्रो निर्वाचनमा समानुपातिक तर्फबाट सभासद् बनेका हुन् । अर्का उपप्रधानमन्त्री विजयकुमार गच्छदार मधेसी जनअधिकार फोरम (लोकतान्त्रिक) का अध्यक्ष हुन् ।
एमालेका तीन, एमाओवादी र राप्रपाका एक–एक मन्त्री
शीतलनिवासमा प्रधानमन्त्री र दुई उपप्रधानमन्त्री बाहेक अन्य पाँच मन्त्रीले सपथ लिएका छन् । एमालेका तर्फबाट अग्नि खरेल, सोमप्रसाद पाण्डे र सत्यनारायण मण्डल मन्त्री बनेका छन् ।
एकीकृत माओवादीको तर्फबाट हरिबोल गजुरेल र राष्ट्रिय प्रजातन्त्र पार्टी नेपालका तर्फबाट रामकुमार सुब्बा ओली नेतृत्वको मन्त्रिमण्डलमा सहभागी छन् ।
0 comments :
Post a Comment