राज्यले आगामी १० बर्षमा दशहजार मेगावाट विद्युत उत्पादन गर्ने लक्ष्य

जलविद्युतको धनी जिल्ला लमजुङमा पछिल्लो समय ६ जलविद्युत आयोजनाहरु निर्माणाधीन अवस्थामा छन् । यि सबै आयोजनाको जडित क्षमता १ सय ५७ मेगावाट रहेको छ । राज्यले आगामी १० बर्षमा दशहजार मेगावाट विद्युत उत्पादन गर्ने लक्ष्य लिइरहेका बेला लमजुङले पनि आगामी १० बर्षमा एक हजार मेगावाट विद्युत उत्पादन गर्ने लक्ष्य अनुरुप जलविद्युत निर्माणमा सहयोग पु¥याउन थालेको छ । जिल्लामा लगानीमैत्री वातावरण बनाउन सकिन्छ भन्नेमा लागि परेको लमजुङ उद्योग बाणिज्य संघका निबर्तमान अध्यक्ष एवं मोडल इन्भेष्टमेण्ट कम्पनीका अध्यक्ष भेषबहादुर पौडेल बताउँछन् । जिल्लामा ७० मेगावाटको मध्यमस्र्याङ्दी र ४ मेगावाटको खुदी जलविद्युत आयोजनाको निर्माण सम्पन्न भएपछि सुस्ताएको जलविद्युत आयोजना निर्माणले पुनः निरन्तरता पाएको जलविद्युत क्षेत्रका विज्ञहरु बताउँछन् । चार बर्षको अन्तरालमा जिल्लामा ५ मेगावाटको सिउरी र ४.४ मेगावाट क्षमताको राँधी खोलाको निर्माण कार्य सम्पन्न भइसकेको छ भने अन्य ६ आयोजनाहरु पनि निर्माणको चरणमा रहेका छन् । जिल्लाका विभिन्न ३ करिडोरमा निर्माणाधिन अवस्थामा रहेका ६ आयोजनाले आगामी ५ बर्ष भित्रमा आयोजनाको निर्माण कार्य सम्पन्न गरी विद्युत उत्पादन शुरु गर्ने लक्ष्य लिएका छन् ।

Share on Google Plus

About Unknown

We bring you the latest breaking news that are happening around the world. For daily news, celebrity gossips, scoops, scandals, sports news, crime news and many more, don't forget us to visit ... www.nepalhamro.com.