२७ किलोमिटर मानवसाङ्लोमा करीब ५ हजारभन्दा बढी विद्यार्थीहरुले सहभागी भए । निजी तथा आवासीय विद्यालय संगठन (प्याब्सन), राष्ट्रि निजी तथा आवासीय विद्यालय एसोसिएसन (एनप्याब्सन) उच्च माध्यमिक विद्यालय संघ नेपाल (हिसान), विद्यार्थी संगठनहरु, शिक्षक महासंघ, अभिभावक संघ नेपाल, राष्ट्यि अभिभावक संघसहितका संघसंस्थाको आह्वानमा मानव साङ्लो बनाइएको हो ।
सरकारले मानवसाङ्लोमा बालबालिकालाई प्रयोग नगर्न भने पनि शुक्रबार बोर्डिङ संचालकले विद्यार्थीलाई सडकमा उतारे । राजनीतिक दलहरुले संगठनहरुले विद्यार्थीलाई जुलुस, प्रदर्शन र राजनीतिक कार्यक्रममा सहभागी गराउँदा प्याब्सन र एन प्याब्सनले चर्को विरोध गर्ने गरेका थिए। तर शुक्रबार तिनै प्याब्सन र एन प्याब्सनले बालबालिकालाई समेत जर्बजस्ती साङ्लोमा सहभागी गराए।
‘बाँच्न र पढ्न देऊ’ भन्ने मुख्य नाराका कलङ्की, सातदोबाटो, कोटेश्वर, चाबहिल, महाराजगञ्ज चक्रपथ, बालाजु, स्वयम्भु हुँदै पुनःकलङ्कीसम्म मानव साङलो तयार भएको थियो । कार्यक्रममा कुनै प्रकारका कोणसभा या नाराबाजी भने भएन । राष्ट्रिय झन्डा र नाकाबन्दी तथा बालबालिकाको हकअधिकार लेखिएको प्ले कार्ड, ब्यानर सहित विभिन्न कलेजका विद्यार्थीहरू, अभिभावक र सर्वसाधारण पनि उपस्थित भएका थिए ।
About Unknown
0 comments :
Post a Comment