उक्त सम्मेलनले पदाधिकारीको संख्या समेत बढाउने निर्णय अनेरास्ववियुले गरेको छ । सचिव राधिका खतिवडाका अनुसार आगामी सम्मेलनबाट अनेरास्ववियुको १४ जनाको हुने छ । हाल अनेरास्ववियुमा ११ जनाको पदाधिकारी छ ।
‘आगामी महाधिवेशनबाट दुई सचिव र एक उपाध्यक्ष थप गर्ने निर्णय भएको छ,’ सचिवालय सदस्य सुनिता वरालले भनिन् । अनेरास्ववियुको केन्द्रीय कमिटि भने अब १ सय ४१ सदस्यीय हुने भएको छ । राष्ट्रिय प्रतिनिधि परिषद् पनि १ सय ४१ सदस्यीय नै हुने भएको छ ।
त्यसैगरी अध्यक्ष र सचिवसहित लेखा आयोग र अनुशासन आयोग पनि १५–१५ सदस्यीय हुनेछ । अनेरास्ववियुले पुष २५ गतेभित्र संगठन विभागमा पठाइसक्न निर्देशन दिएको छ । निर्देशन अनुसार माघ ४ गते क्याम्पस कमिटिहरुको प्रतिनिधि छनोट गर्नुपर्ने, ५ गतेभित्र निर्वाचन क्षेत्रीय कमिटको प्रतिनिधि छनोट गर्नुपर्ने छ ।
त्यस्तै माघ ६ गते जिल्ला कमिटि र ७ गते केन्द्रीय सम्पर्क, अञ्चल सम्पर्क र विश्वविद्यालय राष्ट्रिय कमिटिहरु र माघ ८ गते अञ्चल समन्वय कमिटिको प्रतिनिधि छनोट गर्नुपर्ने छ । १० गते भित्र प्रतिनिधिको नामावली प्रतिनिधि व्यवस्थापन समितिमा बुझाई सक्नुपर्ने छ ।
लामाको उपचारका लागि आर्थिक संकलन
अनेरास्ववियुले ब्लड क्यान्सरका कारण हाल भक्तपुर अस्पतालमा उपचार गराईरहेका अनेरास्ववियुका नेता दिलिप लामाको उपचारका लागि आर्थिक संकलन गर्ने पनि निर्णय गरको छ ।
लामाको उपचारका लागि स्थायी कमिटि सदस्यहरुले प्रतिव्यक्ति ३ हजार, केन्द्रीय सदस्यहरुले प्रतिव्यक्ति १ हजार अनिवार्य संकलन गर्ने निर्णय गरेको छ । उपत्यकाका क्याम्पस कमिटिहरुले पनि एक–एक हजारका दरले संकलन गर्नु पर्ने भएको छ ।
द नेपाल टूडे डट क्म बाट
0 comments :
Post a Comment